Mikir gróðureldar í nágrenni Perth

Atli Ísleifsson og Gunnar Reynir Valþórsson skrifa 2. febrúar 2021 08:03

Miklir skógar- og kjarreldar loga nú í nágrenni áströlsku borgarinnar Perth í vesturhluta landsins en þar eru allir íbúar í útgöngubanni vegna kórónuveirusmits sem upp kom á dögunum.

Mikill vindur er á svæðinu sem hefur magnað bálið og nú brenna eldarnir á um 75 kílómetra löngu svæði og þokast þeir í átt að stórborginni. Nú þegar hafa um þrjátíu heimili orðið eldinum að bráð.

Fólki hefur verið sagt að flýja heimili sín þótt það gerist með því brotlegt við útgöngubannið. Þeir íbúar sem ekki eru á svæðum sem talin eru í hættu eins og er, eru þó beðnir um að halda kyrru fyrir til að virða útgöngubannið.

Bannið á að standa í fimm daga en gripið var til þess þegar einn starfsmaður í sóttvarnahúsi greindist smitaður.

Engin fleiri smit hafa greinst í borginni en smitið var það fyrsta í tíu mánuði í vesturhluta Ástralíu, en Ástralir hafa rekið harða stefnu í kórónuveirufaraldrinum.

Gróðureldar í Ástralíu Ástralía

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.