Neytendur

Mest ánægja með elds­neytis­sölu Costco en minnst með þjónustu Póstsins

Eiður Þór Árnason skrifar
Árangur Póstsins í Íslensku ánægjuvoginni batnar milli ára og fer úr 46,7 stigum í 56,6.
Árangur Póstsins í Íslensku ánægjuvoginni batnar milli ára og fer úr 46,7 stigum í 56,6. Vísir/Vilhelm

Pósturinn mældist með lægstu einkunn allra fyrirtækja sem tóku þátt í Íslensku ánægjuvoginni í fyrra, eða 56,6 stig af 100. Eldsneytissala Costco var aftur á móti hæst með 85,8 stig og er það í fjórða árið í röð sem viðskiptavinir eldsneytissölunnar mælast þeir ánægðustu á Íslandi með marktækum hætti.

Niðurstöður Íslensku ánægjuvogarinnar árið 2020 voru kynntar í dag og tóku alls 37 fyrirtæki í 13 atvinnugreinum þátt að þessu sinni. Íslenska ánægjuvogin er mælikvarði á ánægju viðskiptavina sem er mæld reglulega yfir árið og gagnast fyrirtækjum sem mælikvarði á þeirra frammistöðu á milli ára og í samanburði við helstu samkeppnisaðila, segir í tilkynningu frá Ánægjuvoginni.

Nova, Krónan og IKEA hrepptu hnossið

Viðurkenning var veitt þeim fyrirtækjum sem voru með tölfræðilega marktækt hæstu einkunnina í sínum flokki.

Á eldsneytismarkaði var það eldsneytissala Costco með 85,8 stig af 100 mögulegum, Nova á farsímamarkaði með 78,5 stig, Krónan á matvörumarkaði með 74,2 stig, BYKO á byggingavörumarkaði með 68,2 stig, Sjóvá á tryggingamarkaði sem fékk 72,6 stig og var IKEA hæst allra fyrirtækja á smásölumarkaði með 78,0 stig.

Athygli vekur að vöruhús Costco var ekki í eins miklum metum og eldsneytissala fyrirtækisins en Costco vermir þriðja neðsta sætið í flokki smásöluverslana með 65,8 stig.

Mjótt á munum

Efstu fyrirtækin á mörkuðum þar sem ekki var marktækur munur á efsta og næstefsta sæti fengu einnig viðurkenningu fyrir góðan árangur.

Hjá raforkusölum var Orka náttúrunnar hæst með 67,2 stig af 100 mögulegum, Landsbankinn var með 66,3 stig á bankamarkaði, Penninn Eymundsson með 73,2 stig á ritfangamarkaði, Apótekarinn með 74,4 stig á lyfsölumarkaði, Heimilistæki með 74,2 stig hjá raftækjaverslunum og Smáralind með 71,6 hjá verslunarmiðstöðvum.

Ekki var hægt að segja með 95% vissu að viðskiptavinir þessara fyrirtækja væru að jafnaði ánægðari en viðskiptavinir fyrirtækisins með næsthæstu einkunnina. 

Einkunnir allra fyrirtækja í Íslensku ánægjuvoginni 2020

Biðja fólk um að ímynda sér hið fullkomna fyrirtæki

Íslenska ánægjuvogin er í eigu Stjórnvísi og sáu Zenter rannsóknir um framkvæmd rannsóknarinnar, af því er fram kemur í tilkynningu. Ánægjuvogin samanstendur af þremur eftirfarandi spurningum:

1. Á heildina litið, hversu ánægður(ur) eða óánægð(ur) ert þú með reynslu þína af [fyrirtæki]?

2. Hugleiddu allar væntingar þínar til [fyrirtækis] annars vegar og reynslu þína af fyrirtækinu hins vegar. Að hve miklu leyti uppfyllir [fyrirtæki] væntingar þínar?

3. Núna biðjum við þig um að ímynda þér hið fullkomna [fyrirtæki á viðkomandi markaði]. Hversu nálægt slíku fyrirtæki er [fyrirtæki]?

Uppfært kl. 13.50. Áður sagði að efstu fyrirtæki þar sem ekki væri marktækur munur fengju ekki að nota merki ánægjuvogarinnar. Hið rétta er að þetta á við um gullmerki ánægjuvogarinnar en öll fyrirtæki geta notað blátt merki hennar.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,43
172
331.638

Mesta lækkun dagsins


Félag
Br.%
Fjöldi
Velta*
SKEL
-5,34
9
13.166
BRIM
-4,35
16
152.614
KVIKA
-4,17
116
601.651
ARION
-3,85
123
1.098.639
EIK
-3,57
9
50.385
Velkomin á Vísi. Þessi vefur notar vafrakökur. Sjá nánar.