Meiðslalisti toppliðsins lengdist en hvalreki á fjörur meistaranna Ingvi Þór Sæmundsson skrifar 22. janúar 2021 10:11 Þrátt fyrir mikil meiðsli er Afturelding á toppi Olís-deildar karla. vísir/hulda margrét Keppni hefst að nýju í Olís-deild karla á sunnudaginn, 114 dögum eftir að síðustu leikirnir í deildinni fóru fram. Fjórum umferðum var lokið þegar keppni var hætt fyrir rúmum þremur mánuðum vegna kórónuveirufaraldursins. Afturelding er á toppi Olís-deildarinnar og er eina ósigraða lið deildarinnar. ÍR er á botninum og er eina liðið sem hefur ekki enn náð í stig. Fimmta umferðin hefst með þremur leikjum á sunnudaginn. ÍBV tekur á móti Fram, Þór sækir Val heim og FH og Grótta eigast við í Kaplakrika. Staðan í Olís-deild karla eftir fjórar umferðir. Ekki hafa orðið miklar breytingar á liðunum í Olís-deildinni og þau tefla flest fram svipuðum leikmannahópum og þegar tímabilið hófst. Stærstu félagaskiptin síðan keppni var hætt voru án vafa þegar Ragnar Jóhannsson gekk í raðir Selfoss frá Bergischer í Þýskalandi. Hann skrifaði undir þriggja ára samning við Selfyssinga. Ragnar, sem er þrítugur, hefur ekki leikið með Selfossi frá tímabilinu 2010-11 þegar hann var markahæsti leikmaður efstu deildar. Hann gekk í kjölfarið í raðir FH og lék með liðinu til 2015 þegar hann fór til Þýskalands. Ljóst er að Ragnar er hvalreki fyrir Selfyssinga sem eiga enn Íslandsmeistaratitilinn sem þeir unnu 2019 að verja. Fram fékk einnig liðsstyrk í hléinu þegar hornamennirnir Ólafur Jóhann Magnússon og Kristófer Dagur Sigurðsson gengu í raðir liðsins. Ólafur Jóhann þekkir vel til hjá Fram en hann varð Íslandsmeistari með liðinu 2013. Kristófer Dagur kemur frá Þýskalandi. Hann þótti afar efnilegur en meiðsli hafa gert honum erfitt fyrir á undanförnum árum. Fram veitti ekki af styrkingu því liðið er aðeins með þrjú stig og hafði bara unnið botnlið ÍR í síðustu umferðinni áður en keppni var hætt. Patrekur Jóhannesson, þjálfari Stjörnunnar, verður án Hafþórs Vignissonar næstu vikurnar.vísir/hulda margrét Stjarnan varð fyrir áfalli þegar Hafþór Vignisson handarbrotnaði í æfingaleik gegn KA. Skyttan öfluga verður því frá keppni í tvo til þrjá mánuði. Handbolti.is greindi frá. Stjörnumenn fóru rólega af stað á tímabilinu en unnu KA-menn í síðasta leik sínum fyrir hléið, 25-24. ÍR var spáð botnsætinu í Olís-deildinni og gerði lítið í fyrstu fjórum umferðunum til að afsanna þær hrakspár. ÍR-ingar töpuðu fyrstu fjórum leikjunum sínum með samtals 34 marka mun. ÍR fékk markvörðinn Ólaf Rafn Gíslason frá Stjörnunni í hléinu og hann á að hjálpa liðinu í botnbaráttunni. Nýliðar Þórs Ak. hafa kvatt rúmensku skyttuna Viorel Bosca. Hann lék aðeins einn leik með Þórsurum áður en hann meiddist á nára. Fyrir tímabilið samdi Þór við aðra örvhenta skyttu, Vuk Perovic frá Serbíu, en hann kom hins vegar aldrei til landsins þar sem lið mega aðeins hafa tvo leikmenn frá löndum utan evrópska efnahagssvæðisins í leikmannahópi sínum og Þórsarar voru þegar búnir að fylla þann kvóta. Sveinn Andri Sveinsson er úr leik.vísir/hulda margrét Eins og áður sagði er Afturelding á toppi Olís-deildarinnar og hefur ekki enn tapað leik. Mikil meiðsli voru í leikmannahópi Mosfellinga í haust og meiðslalistinn lengdist í hléinu. Sveinn Andri Sveinsson verður ekki meira með á tímabilinu og Bergvin Þór Gíslason er einnig meiddur. Þeir komu báðir til Aftureldingar frá ÍR fyrir tímabilið. Það er þó bót í máli fyrir Mosfellinga að Blær Hinriksson er klár í slaginn eftir meiðsli. FH, sem er í 6. sæti Olís-deildarinnar, missti spón úr aski sínum þegar Bjarni Ófeigur Valdimarsson samdi við Skövde í Svíþjóð. Mislangt er þar til liðin í Olís-deildinni leika sína fyrstu leiki eftir hléið langa. Haukar leika til að mynda ekki fyrr en 30. janúar og Selfoss ekki fyrr en 3. febrúar. Þjálfari Selfoss, Halldór Sigfússon, stýrir Barein á HM í Egyptalandi. Tveir leikir í Olís-deildinni verða sýndir beint á Stöð 2 Sport á sunnudaginn; leikur ÍBV og Fram klukkan 13:30 og leikur FH og Gróttu klukkan 15:00. Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur. Olís-deild karla Afturelding Mest lesið Ómar Ingi skaut Evrópumeisturunum áfram eftir vítakeppni Handbolti FH fékk tvær sektir frá KSÍ Íslenski boltinn Bucks í sögubækurnar eftir sigurinn á Pacers Körfubolti Fengið nóg af því að vera ruslakista fyrir viðbjóð frá fólki Körfubolti Dortmund leiðir þökk sé þrumuskoti Füllkrug Fótbolti Elín Jóna færir sig á milli félaga á Jótlandi Handbolti „Féllu dómar í dag sem voru að mér fannst ansi augljósir“ Handbolti Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Handbolti Óheflaði Eyjapeyinn Kári Kristján: „Töpum aldrei í vítakeppnum“ Handbolti Dagskráin í dag: Stórleikir og stórstjörnur út um allt Sport Fleiri fréttir Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sjá meira
Fjórum umferðum var lokið þegar keppni var hætt fyrir rúmum þremur mánuðum vegna kórónuveirufaraldursins. Afturelding er á toppi Olís-deildarinnar og er eina ósigraða lið deildarinnar. ÍR er á botninum og er eina liðið sem hefur ekki enn náð í stig. Fimmta umferðin hefst með þremur leikjum á sunnudaginn. ÍBV tekur á móti Fram, Þór sækir Val heim og FH og Grótta eigast við í Kaplakrika. Staðan í Olís-deild karla eftir fjórar umferðir. Ekki hafa orðið miklar breytingar á liðunum í Olís-deildinni og þau tefla flest fram svipuðum leikmannahópum og þegar tímabilið hófst. Stærstu félagaskiptin síðan keppni var hætt voru án vafa þegar Ragnar Jóhannsson gekk í raðir Selfoss frá Bergischer í Þýskalandi. Hann skrifaði undir þriggja ára samning við Selfyssinga. Ragnar, sem er þrítugur, hefur ekki leikið með Selfossi frá tímabilinu 2010-11 þegar hann var markahæsti leikmaður efstu deildar. Hann gekk í kjölfarið í raðir FH og lék með liðinu til 2015 þegar hann fór til Þýskalands. Ljóst er að Ragnar er hvalreki fyrir Selfyssinga sem eiga enn Íslandsmeistaratitilinn sem þeir unnu 2019 að verja. Fram fékk einnig liðsstyrk í hléinu þegar hornamennirnir Ólafur Jóhann Magnússon og Kristófer Dagur Sigurðsson gengu í raðir liðsins. Ólafur Jóhann þekkir vel til hjá Fram en hann varð Íslandsmeistari með liðinu 2013. Kristófer Dagur kemur frá Þýskalandi. Hann þótti afar efnilegur en meiðsli hafa gert honum erfitt fyrir á undanförnum árum. Fram veitti ekki af styrkingu því liðið er aðeins með þrjú stig og hafði bara unnið botnlið ÍR í síðustu umferðinni áður en keppni var hætt. Patrekur Jóhannesson, þjálfari Stjörnunnar, verður án Hafþórs Vignissonar næstu vikurnar.vísir/hulda margrét Stjarnan varð fyrir áfalli þegar Hafþór Vignisson handarbrotnaði í æfingaleik gegn KA. Skyttan öfluga verður því frá keppni í tvo til þrjá mánuði. Handbolti.is greindi frá. Stjörnumenn fóru rólega af stað á tímabilinu en unnu KA-menn í síðasta leik sínum fyrir hléið, 25-24. ÍR var spáð botnsætinu í Olís-deildinni og gerði lítið í fyrstu fjórum umferðunum til að afsanna þær hrakspár. ÍR-ingar töpuðu fyrstu fjórum leikjunum sínum með samtals 34 marka mun. ÍR fékk markvörðinn Ólaf Rafn Gíslason frá Stjörnunni í hléinu og hann á að hjálpa liðinu í botnbaráttunni. Nýliðar Þórs Ak. hafa kvatt rúmensku skyttuna Viorel Bosca. Hann lék aðeins einn leik með Þórsurum áður en hann meiddist á nára. Fyrir tímabilið samdi Þór við aðra örvhenta skyttu, Vuk Perovic frá Serbíu, en hann kom hins vegar aldrei til landsins þar sem lið mega aðeins hafa tvo leikmenn frá löndum utan evrópska efnahagssvæðisins í leikmannahópi sínum og Þórsarar voru þegar búnir að fylla þann kvóta. Sveinn Andri Sveinsson er úr leik.vísir/hulda margrét Eins og áður sagði er Afturelding á toppi Olís-deildarinnar og hefur ekki enn tapað leik. Mikil meiðsli voru í leikmannahópi Mosfellinga í haust og meiðslalistinn lengdist í hléinu. Sveinn Andri Sveinsson verður ekki meira með á tímabilinu og Bergvin Þór Gíslason er einnig meiddur. Þeir komu báðir til Aftureldingar frá ÍR fyrir tímabilið. Það er þó bót í máli fyrir Mosfellinga að Blær Hinriksson er klár í slaginn eftir meiðsli. FH, sem er í 6. sæti Olís-deildarinnar, missti spón úr aski sínum þegar Bjarni Ófeigur Valdimarsson samdi við Skövde í Svíþjóð. Mislangt er þar til liðin í Olís-deildinni leika sína fyrstu leiki eftir hléið langa. Haukar leika til að mynda ekki fyrr en 30. janúar og Selfoss ekki fyrr en 3. febrúar. Þjálfari Selfoss, Halldór Sigfússon, stýrir Barein á HM í Egyptalandi. Tveir leikir í Olís-deildinni verða sýndir beint á Stöð 2 Sport á sunnudaginn; leikur ÍBV og Fram klukkan 13:30 og leikur FH og Gróttu klukkan 15:00. Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.
Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.
Olís-deild karla Afturelding Mest lesið Ómar Ingi skaut Evrópumeisturunum áfram eftir vítakeppni Handbolti FH fékk tvær sektir frá KSÍ Íslenski boltinn Bucks í sögubækurnar eftir sigurinn á Pacers Körfubolti Fengið nóg af því að vera ruslakista fyrir viðbjóð frá fólki Körfubolti Dortmund leiðir þökk sé þrumuskoti Füllkrug Fótbolti Elín Jóna færir sig á milli félaga á Jótlandi Handbolti „Féllu dómar í dag sem voru að mér fannst ansi augljósir“ Handbolti Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Handbolti Óheflaði Eyjapeyinn Kári Kristján: „Töpum aldrei í vítakeppnum“ Handbolti Dagskráin í dag: Stórleikir og stórstjörnur út um allt Sport Fleiri fréttir Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sjá meira