Bein útsending: Kvöldfréttir Stöðvar 2

Erla Björg Gunnarsdóttir skrifar 18. janúar 2021 18:03

Kvöldfréttir hefjast á samtengdum rásum Stöðvar 2 og Bylgjunnar á slaginu 18:30.

Ísland hefur skuldbundið sig til að kaupa ekki bóluefni framhjá samningum ESB að sögn sóttvarnalæknis. Hann bindur ennþá vonir við að Ísland taki þátt í bólusetningarrannsókn lyfjafyrirtækisins Pfizer. Fjallað verður um málið í kvöldfréttum Stöðvar 2.

Einnig verðum við í beinni útsendingu frá Alþingi þar sem mál dagsins er sala á Íslandsbanka og ræðum einnig við sálfræðing í beinni um af hverju fólk sé orðið tregara við að gefa smitrakningateymi fullnægjandi upplýsingar þegar það smitast af veirunni.

Fjallað verður um svarta skýrslu um ofbeldi gegn fötluðu fólki og rætt við utanríkisráðherra um mál Alexei Navalní.

Að auki verður farið yfir líf og feril Svavars Gestssonar, ráðherra og sendiherra, sem lést í dag 76 ára að aldri.

Þetta og margt fleira í kvöldfréttum Stöðvar 2 kl. 18:30. Kvöldfréttirnar eru frá og með deginum í dag í lokaðri dagskrá. Áskrifendur geta horft á þær hér á stod2.is. Einnig er hægt að hlusta á fréttirnar á Bylgjunni hér í spilaranum fyrir neðan.

Kvöldfréttir Stöðvar 2

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.