Tveir hafa fundist látnir í brunarústum sumarbústaðar sem brann til grunna í þorpinu Risøyhamn á eyjunni Andøy í Noregi í gærnótt. Nöfn þeirra hafa ekki verið birt en fimm var saknað úr bústaðnum í gær, þar af fjögurra barna.
Strax í gær taldi lögregla líklegt að allir fimm hefðu brunnið inni. Einn komst út úr sumarbústaðnum af sjálfsdáðum og þurfti að hlaupa nokkra kílómetra til að gera nágrönnum viðvart og hringja eftir hjálp. Eldurinn var svo mikill að hann komst ekki inn í bústaðinn til að bjarga þeim sem þar voru inni.
Lögregla var við vinnu á vettvangi brunans fram á nótt í gær og rannsókn heldur áfram í dag. Eldsupptök liggja ekki fyrir.
Óttast er að fimm hafi látist þegar sumarbústaður brann til grunna í í þorpinu Risøyhamn á eyjunni Andøy í Noregi í nótt. Sex dvöldu í bústaðnum þegar eldurinn kom upp en einn komst út af sjálfsdáðum.
Fimm er saknað eftir að bústaður brann til grunna í þorpinu Risøyhamn á eyjunni Andøy í Noregi í nótt. Lögreglu barst tilkynning klukkan 04:30 að staðartíma eftir einn úr bústaðnum náði að láta nágranna vita.
