Enski boltinn

Bæði United-liðin á toppnum

Ingvi Þór Sæmundsson skrifar
Leikmenn Manchester United hafa yfir nægu að gleðjast þessa dagana.
Leikmenn Manchester United hafa yfir nægu að gleðjast þessa dagana. vísir/getty

Bæði karla- og kvennalið Manchester United eru á toppnum í sínum deildum.

Karlalið United komst á topp ensku úrvalsdeildarinnar með 0-1 útisigri á Burnley í gær. Paul Pogba skoraði eina mark leiksins á 71. mínútu.

Þetta er í fyrsta sinn í 1221 daga sem United er á toppi ensku úrvalsdeildarinnar, eða síðan 2013. United er með þriggja stiga forskot á Liverpool sem er einmitt næsti andstæðingur liðsins. Erkifjendurnir eigast við á Old Trafford á sunnudaginn.

Kvennalið United er einnig á toppnum í ensku ofurdeildinni. United er með þriggja stiga forskot á meistara Chelsea sem eiga reyndar leik til góða.

United hefur unnið átta af fyrstu tíu leikjum sínum í ofurdeildinni og gert tvö jafntefli. Markatala liðsins er 27-9.

Uppgangur kvennaliðs United hefur verið hraður en ekki eru nema þrjú ár síðan það var sett á laggirnar. United vann ensku B-deildina tímabilið 2018-19 og endaði svo í 4. sæti ofurdeildarinnar á síðasta tímabili. 

United fékk til sín sterka leikmenn í sumar, eins og bandarísku landsliðskonurnar Tobin Heath og Christen Press, og virðast ætla að gera alvöru atlögu að Englandsmeistaratitlinum.


Tengdar fréttir

Solskjær: Gætum ekki mætt á Anfield á betri tíma

Ole Gunnar Solskjær er búinn að koma liði Manchester United á toppinn í ensku úrvalsdeildinni í fyrsta sinn í langan tíma og næst á dagskrá er heimsókn til Englandsmeistara Liverpool um næstu helgi.

„Ég er alltaf á­nægður þegar við vinnum“

Paul Pogba var eðlilega í skýjunum með sigur Manchester United á Turf Moor í kvöld þar sem liðið lagði Burnley 0-1. Sigurinn lyfti Man Utd á topp ensku úrvalsdeildarinnar. Franski miðjumaðurinn ræddi við Sky Sports eftir leik.

Mest lesið


Fleiri fréttir

Sjá meira


×

Mest lesið