Viðskipti innlent

Úlla Ár­dal yfirgefur RÚV og kynnir náttúruperlur

Eiður Þór Árnason skrifar
Úlla Árdal er margmiðlunarfræðingur og starfaði áður hjá RÚV og N4. 
Úlla Árdal er margmiðlunarfræðingur og starfaði áður hjá RÚV og N4.  Samsett

Úlla Árdal hefur verið ráðin í starf markaðs- og þróunarstjóra Mývatnsstofu og hóf störf þann 5. janúar. Þar mun hún sinna verkefnum sem er ætlað að styðja við uppbyggingu innviða í Skútustaðahreppi og Þingeyjarsveit með það að markmiði að gera svæðið ákjósanlegra til búsetu og fjárfestinga.

Þá er henni ætlað að vekja frekari athygli á náttúruparadísum Norðurlands eystra. Þetta kemur fram á vef Mývatnsstofu sem sinnir markaðs- og kynningarmálum fyrir ferðaþjónustu í Skútustaðahreppi og Þingeyjarsveit. Úlla starfaði áður hjá RÚV á Norðurlandi en Vísir greindi frá því í nóvember að hún hafi verið meðal þeirra sem var sagt upp störfum í niðurskurði á fréttastofu RÚV. Þar áður starfaði Úlla á sjónvarpsstöðinni N4. 

Um er að ræða nýja stöðu hjá Mývatnsstofu sem er ætlað að efla núverandi verkefni markaðsstofunnar og að víkka starfsemina út enn frekar í samstarfi við verkefnið Nýsköpun í Norðri. Mun það koma í hlut Úllu að þróa viðburði sem Mývatnsstofa heldur utan um á borð við Vetrarhátíð við Mývatn og Mývatnsmaraþonið, er fram kemur á vef stofunnar. 

Úlla er margmiðlunarfræðingur frá Margmiðlunarskólanum og digital compositor frá Campus i12 í Svíþjóð. 





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
BRIM
0,96
1
500
ARION
0,63
12
300.232
SJOVA
0,16
9
20.335
MAREL
0,06
15
96.773
KVIKA
0
10
107.788

Mesta lækkun dagsins


Félag
Br.%
Fjöldi
Velta*
ICEAIR
-5,06
89
185.127
HAGA
-2,34
29
396.446
VIS
-1,25
10
91.026
SIMINN
-1,1
8
137.092
EIM
-0,96
2
416
Velkomin á Vísi. Þessi vefur notar vafrakökur. Sjá nánar.