Spá allt að fjórtán stiga frosti

Sunna Kristín Hilmarsdóttir skrifar 6. janúar 2021 07:34

Það verður ansi kalt á landinu á morgun eins og sést á þessu hitaspákorti Veðurstofunnar sem gildir fyrir klukkan tólf á hádegi á fimmtudag. Veðurstofa Íslands

Það er tiltölulega rólegt veður þessa dagana með sterkar hæðir í kringum okkur en í dag er spáð norðvestlægri átt, fimm til þrettán metrum á sekúndu og bjartviðri.

Þó má gera ráð fyrir lítilsháttar éljum fyrir norðan og austan og þá kólnar með deginum; frost verður á bilinu tvö til átta stig.

Þetta kemur fram í hugleiðingum veðurfræðings á vef Veðurstofu Íslands. Veðrið verður síðan enn rólegra á morgun, breytileg átt þrír til átta metrar á sekúndu og áfram víða léttskýjað.

Það kólnar enn frekar og verður frost á bilinu þrjú til fjórtán stig, kaldast verður í innsveitum á norðanverðu landinu.

Seinnipartinn á morgun bætir svo í vind vestantil og þykknar upp með snjókomu og síðan rigningu. Það hlýnar og verður hiti um og yfir frostmarki vestast annað kvöld.

Veðurhorfur á landinu:

Norðvestan 5-13 m/s og bjartviðri, en lítilsháttar él á Norður- og Austurlandi. Kólnandi veður, frost 2 til 8 stig síðdegis.

Breytileg átt 3-8 m/s framan af morgundeginum, áfram víða léttskýjað og frost 3 til 14 stig, kaldast inn til landsins. Bætir í vind vestantil á landinu síðdegis á morgun, þykknar upp þar með snjókomu og síðar rigningu og hlýnandi veðri.

Á fimmtudag:

Breytileg átt 3-8 m/s framan af degi, víða léttskýjað og frost 3 til 14 stig, kaldast inn til landsins. Bætir í vind vestantil á landinu síðdegis, þykknar upp þar með snjókomu og síðar rigningu og hlýnandi veðri.

Á föstudag:

Suðvestan 13-20 og rigning eða slydda, en þurrt að kalla austantil á landinu. Hiti 2 til 7 stig. Snýst í vestan og norðvestan 13-20 um kvöldið með snjókomu, einkum á norðan- og vestanverðu landinu. Ört kólnandi veður.

Á laugardag:

Norðvestan 13-20 og dálítil él á Norður- og Austurlandi, hvassast á norðausturhorninu. Hægari vindur og bjart að mestu sunnantil. Frost 4 til 10 stig.

Á sunnudag:

Norðan 5-10 og léttskýjað, en norðvestan 10-15 og lítilsháttar él um landið norðaustanvert. Áfram kalt í veðri.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir