Tónlist

Emmsjé Gauti og Króli gefa út myndband við Malbik

Stefán Árni Pálsson skrifar
Nýtt myndband frá Gauta og Króla. 
Nýtt myndband frá Gauta og Króla. 

Rapparnir Emmsjé Gauti og Króli hafa gefið út nýtt myndband við lagið vinsæla Malbik. 

Lagið er eitt vinsælasta lag landsins í dag og þekkja aðdáendur þeirra beggja það vel. Malbik er tilnefnt sem lag ársins á Hlustendaverðlaununum sem verða afhent í Hörpu á miðvikudag.

Það voru þeir Fannar Birgisson og Ragnar Óli Sigurðsson sem framleiddu og leikstýrði myndbandinu. Gauti lýsti eftir leikstjórum á Instagram og svöruðu þeir kallinu.

„Platan mín Bleikt ský er komin í master ferli og það er mjög stutt þangað til hún fær að líta dagsins ljós. 10 ný lög auk þess að slagarinn Malbik fylgir með,“ segir Gauti í færslu á Facebook.

„Það eru næstum því fimm mánuðir frá því að Malbik kom út. Lagið fékk frábærar undirtektir og situr ennþá á topplistum útvarpsstöðva og Spotify. Ég var næstum búinn að gefa upp þá hugmynd að gera tónlistarmyndband við lagið en fannst þó synd að það væri myndbandslaust.

Ég setti inn póst á instagram hvort einhver hefði áhuga á því gera einfalt myndband við lagið og ég fékk svar frá strákum sem höfðu áhuga á því.

Niðurstaðan er síðan sú að þeir náðu að skapa tónlistarmyndband úr litlu sem engu með lágmarks tækjabúnaði. Þeir heita Fannar Birgisson, Ragnar Óli Sigurðsson og Óttar Ingi Þorbergsson. Takk strákar fyrir myndbandið,“ segir Gauti.

Þormóður Eiríksson pródúseraði lagið sjálft en hér að neðan má sjá nýja myndbandið. 


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.