Lífið samstarf

Ávaxtakarfan ber með sér batnandi tíð

Ávaxtabíllinn
Ávaxtabíllinn sendir holla hressingu á kaffistofur fyrirtækja í hverri viku. Hægt er að skrá fyrirtæki í áskrift.
Ávaxtabíllinn sendir holla hressingu á kaffistofur fyrirtækja í hverri viku. Hægt er að skrá fyrirtæki í áskrift.

Ávaxtabíllinn hefur þjónustað fyrirtæki um ávexti á kaffistofuna í sautján ár. Haukur Magnússon, eigandi Ávaxtabílsins, segir ferska ávexti, stútfulla af vítamínum, einmitt það sem starfsfólk fyrirtækja þarf þegar það mætir aftur á vinnustöðvar sínar eftir samkomubann.

Haukur Magnússon eigandi Ávaxtabílsins segir ávaxtakörfuna hafa góð áhrif á heilsu og ánægju starfsfólks.

„Ávaxtakarfan er birtingarmynd þess að betri tímar eru fram undan,“ segir Haukur. „Þetta hef ég meira að segja fengið „vísindalega staðfest“ í sænskri skáldsögu Kallinn undir stiganum eftir Mariu Hermannsson. Í sögunni kemur fram að þegar ávaxtakarfan sást á borðinu á bæjarskrifstofunni var það merki um betri tímar væru í nánd og eins ef karfan hvarf var það merki um að harðnað hefði í ári. Það er bara eins og ég hafi skrifað þetta sjálfur! Við köllum þetta „göldrótt áhrif Ávaxtakörfunnar“,“ segir Haukur hress.

Óhjákvæmilega hafi ástandið undanfarnar vikur orðið til þess að pöntunum til Ávaxtabílsins fækkaði verulega en nú horfir betur við.

Glaðningur á kaffistofuna

„Það er bara létt yfir mér í dag, það er ólíkt skemmtilegra að taka á móti pöntunum en afpöntunum. Ávaxtabíllinn fer vel af stað nú þegar starfsmenn mæta aftur á vinnustaði. Fólk er auðvitað misjafnlega spennt fyrir því að mæta aftur og þá þarf að hressa það við með vítamíni í kroppinn. Það býr líka til góða stemmningu á vinnustað þegar það bíður glaðningur á borðum og núna er einmitt tíminn til þess að lífga upp á vinnustaði,“ segir Haukur.

Lítið mál er að panta á heimasíðu Ávaxtabílsins, avaxtabillinn.is og þægilegt að vera í áskrift að reglulegum sendingum beint á staðinn. Pöntunum er einnig hægt að breyta inni á heimasíðunni á einfaldan hátt, til dæmis ef auka þarf við skammtinn eða breyta innihaldinu.

„Flestir viðskiptavinir okkar eru með fasta pöntun einu sinni til tvisvar í viku. Þá gengur starfsfólk að þessu vísu og ekki þarf að fara út í búð. Viðskiptavinir raða saman innihaldinu eins og þeir vilja og við getum sett saman smáa skammta, til dæmis eitt stykki af hverju eða hálft kíló og svo famvegis. Við keyrum út og afhendum á staðinn. Fyrir þá sem koma nýir inn þurfum við bara fjölda starfsmanna og setjum saman fyrsta skammt eftir ákveðnu kerfi. Eftir viku eða tvær er komin reynsla á hvaða tegundir eru vinsælli en aðrar hjá starfsmönnum og þá er hægt að aðlaga pöntunina í samræmi við óskir. Pöntun getur innihaldið yfir 20 tegundir ef vill, alla helstu ávexti og eitthvað af grænmeti,” segir Haukur.

Heppin fyrirtæki fá gefins ávaxtakörfur

Til að auka við vítamínskammt fólks sem mætir nú á vinnustaði eftir samkomubannið ætlar Haukur að gefa nokkrar ávaxtakörfur til fyrirtækja í samstarfi við Bylgjuna. Til að taka þátt þarf að skrá fyrirtækið til leiks á bylgjan.is og Ívar Guðmunds dregur út heppin fyrirtæki sem fá sendar þrjár ávaxtakörfur heim að dyrum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.