Ísland aldrei neðar á FIFA-listanum

Íslenska karlalandsliðið í knattspyrnu náði nýjum lægðum í dag þegar nýr FIFA-listi var gefinn út. Landsliðið er komið 122. sæti á listanum og hefur aldrei verið neðar á listanum.

Þessi niðurstaða er engu að síður eðlileg í ljósi þess að landsliðið hefur verið í frjálsu falli síðustu ár og aðeins unnið einn alvöru leik síðan Ólafur Jóhannesson tók við starfinu.

Meira að segja Færeyjar er fyrir ofan Ísland á listanum en það hefur ekki gerst áður. Í sætinu fyrir ofan Ísland er landslið St. Kitts og Nevis en þeir eru eflaust ekki margir sem vita af þeirri þjóð og hvað þá af knattspyrnulandsliði þeirra.

Þess má geta að Ísland komst hæst í 37. sæti á listanum fyrir 17 árum síðan.

Spánverjar eru í efsta sæti á listanum og á eftir þeim koma Hollendingar, Þjóðverjar, Englendingar og Brasilíumenn.