Ágúst: Er með frábæran hóp í höndunum

Dominos-deild kvenna hefst í kvöld með fjórum leikjum og ber helst að nefna Reykjavíkurslaginn í Vodafone-höllinni þar sem Valur tekur á móti KR.

Grindavík fær Snæfell í heimsókn í Röstina, Keflavík tekur á móti Haukum og Hamar og Njarðvík eigast við í Hveragerði.

Valsstúlkum í spáð Íslandsmeistaratitlinum af fyrirliðum, þjálfurum og forráðamönnum deildarinnar.

„Tímabilið leggst hörku vel í mig,“ sagði Ágúst Björgvinsson, þjálfari Vals, í samtali við blaðamann Vísis.

„Við erum með góðum hóp af stelpum sem eru mjög samrýmdar og því mikil breidd hjá okkur. Við erum með góða leikmenn í öllum stöðum.“

Hægt er að sjá viðtalið í heild sinni hér að ofan en þar ræðir Ágúst einnig um tímabilið sem framundan er hjá karlaliðinu.