Aftur varað við stormi

Veðurstofan varar enn á ný við stormi en búist er við stormi (meira en 20 metrar á sekúndu) og vindhviðum yfir 40 m/s á landinu í nótt og á morgun. Búist er við mikilli úrkomu suðaustantil á landinu á morgun

Það hvessir í kvöld. Suðaustan 15-23 suðvestantil í nótt og 18-28 þar snemma í fyrramálið. Suðaustan 15-23 í öðrum landshlutum.

Slydda eða rigning S- og V-lands en úrkomulítið á N-landi. Mikil úrkoma suðaustantil. Lægir mikið eftir hádegi, fyrst suðvestanlands. Hiti 0 til 7 stig, mildast syðst.