Fjórði starfsmaðurinn handtekinn

Lögreglan á Indlandi handtók í gær fjórða starfsmann verktakafyrirtækisins sem sá um að reisa brúna sem hrundi í borginni Kolkata á föstudag. Alls létust tuttugu og sex þegar hluti brúarinnar hrundi á gangandi vegfarendur og tugir særðust.

Mennirnir fjórir hafa verið ákærðir, meðal annars fyrir manndráp, en verktakafyrirtækið neitar sök í málinu. 

Að minnsta kosti hundrað manns hefur verið bjargað úr rústunum, en óttast er að enn séu einhverjir grafnir í rústunum.