Einfaldar þvott á gluggum háhýsa

Gluggaþvottur utandyra hefur ætíð verið til vandræða á efri hæðum húsa sem er sérstaklega leiðinlegt á vorin þegar sólin fer að skína og í ljós kemur allur skíturinn á rúðunum. Nú eru hins vegar komnir á markað sérstakir segulplattar sem leysa vandann, þannig að hægt er að þvo gluggarúður að utanverðu, alls staðar þar sem eru opnanleg fög. Þetta eru tveir plattar með svampi og gúmmísköfu og er annar plattinn settur á rúðuna að utanverðu með því að teygja hendina í gegnum opnanlegt fag og festa hann á móti inniplattanum. Sterkir seglar halda þeim hvorum á móti öðrum á gluggarúðunni. Þegar innri plattinn er færður til á rúðunni fylgir útiplattinn á eftir. Segulplattarnir þvo því rúðurnar að utan og innan samtímis. Segulplattarnir henta vel á tvöfalt gler allt að 22 mm. Hægt er að þrífa aðeins þykkari rúður, en fara þarf varlega því segulkrafturinn hefur minnkað. Segulplattarnir fást í BYKO-Breiddinni.