Breski leikarinn John Shrapnel, sem fór meðal annars með hlutverk í stórmyndunum Notting Hill og Gladiator, er látinn, 77 ára að aldri.
Breska þjóðleikhúsið greindi frá andlátinu á samfélagsmiðlum, en hann fór á leiklistarferli sínum með fjölmörg hlutverk í uppsetningum leikhússins. Er honum þar lýst sem „dásamlegum leikara“.
Í frétt Sky News kemur fram að Shrapnel hafi glímt við krabbamein.
Shrapnel fór með hlutverk almannatengslafulltrúa Önnu Scott, persónu Juliu Roberts, í myndinni Notting Hill sem frumsýnd var árið 1999.
Í Gladiator fór hann með hlutverk Gaiusar, eins af leitogum öldungardeildarþingmannanna.
We're very sad to hear that the wonderful actor John Shrapnel has died. He performed in many productions at the National Theatre, including Phèdre - our first @NTLive production. He's pictured here in Phèdre with Dominic Cooper. Catherine Ashmore pic.twitter.com/DeEewRs6EJ
— National Theatre (@NationalTheatre) February 18, 2020
