Innlent

Fyrstu 25 stöðvar Borgarlínu kynntar til leiks

Sunna Kristín Hilmarsdóttir skrifar
Á þessari mynd má sjá fyrstu 25 stöðvarnar sem verða teknar í notkun í fyrsta áfanga Borgarlínu árið 2023.
Á þessari mynd má sjá fyrstu 25 stöðvarnar sem verða teknar í notkun í fyrsta áfanga Borgarlínu árið 2023. Borgarlína

Fyrsti áfangi Borgarlínu verður þrettán kílómetra langur og á honum verða 25 stöðvar samkvæmt fyrstu tillögum.

Leiðin liggur á milli Ártúnshöfða í Reykjavík og Hamraborgar í Kópavogi og er áætlað að fyrsti áfanginn verði tekinn í notkun árið 2023.

Samkvæmt mynd sem birt var fyrr í dag á Facebook-síðu Borgarlínunnar eru Vogabyggð, Höllin, Hlemmur, Lækjartorg, HÍ, BSÍ, HR og Stelluróló á meðal þeirra 25 stöðva sem teknar verða í notkun í fyrsta áfanga.

Borgarlína er hraðvagnakerfi á hjólum sem ekur á sérrými og hefur forgang á gatnamótum. Tíðni ferða á að vera mikil, stöðvar verða yfirbyggðar og með góðu aðgengi beint inn í vagnana sjálfa.

Hin svokölluðu sérrými verða lögð á árunum 2023 til 2033 að því er segir á vef Borgarlínu. Eru þau lögð inn á leiðanet Strætó og mun hluti þeirra nýtast fleiri en einni leið Borgarlínunnar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.