Aníta: Hjálpa vonandi strákunum eitthvað líka Óskar Ófeigur Jónsson skrifar 8. febrúar 2016 06:00 Aníta Hinriksdóttir segir árangur sinn á HM í Peking í Kína í fyrra hafi verið mjög hvetjandi. Vísir/Getty Aníta Hinriksdóttir hefur byrjað árið 2016 vel. Á Reykjavíkurleikunum tryggði hún sér farseðilinn á HM í Portland með heimsklassa 800 metra hlaupi og á Stórmóti ÍR um helgina bætti hún sig í 400 metra hlaupi í fyrsta sinn í langan tíma. „Það var léttir fyrir mig að ná þessu því við höfum verið að leggja meiri áherslu á hraða. Það var gott að sjá að það væri að skila sér. Það var langt síðan að ég hafði náð að bæta mig í 400 metrunum þannig að hún var kærkomin. Þetta er mjög jákvætt og gefur mér sjálfstraust," sagði Aníta og þessa dagana er mót um hverja helgi. „Það er mjög flott mót um næstu helgi þegar ég keppi á Norðurlandamótinu í Svíþjóð,“ segir Aníta. Hún fær mikla samkeppni um gullið á NM í ár og fagnar því enda mikil keppnismanneskja.Flott að komast í harða keppni „Þær eru nokkrar á Norðurlöndum svolítið sterkar núna í 800 metra hlaupi og það verður mjög spennandi fyrir mig að keppa við þær. Það er líka flottur undirbúningur fyrir HM í mars að komast í svona harða keppni,“ segir Aníta sem fagnar möguleikanum á að taka þátt í krefjandi og fjölmennu hlaupi. „Þetta er svolítið sem lærist á því að gera það. Það er því mikilvægt að fá slatta af svoleiðis hlaupum,“ segir Aníta. Hún kann vel sig á þessum árstíma og hefur bætt ófá Íslandsmetin á fyrstu mánuðum ársins. „Ég kann mjög vel við þessi innanhússmót og nota þau til að keyra mig í gang,“ segir Aníta en hvort met hennar í 800 metrunum fellur á NM verður þó að koma í ljós eftir tæpa viku. Áður en innanhússtímabilið hófst þá fór Aníta í æfingabúðir hinum megin á hnettinum. „Við vorum í Suður-Afríku í tvær vikur. Þetta er frábær staður sem er í dálítilli hæð þannig að maður fær örlítið áhrifin af því. Svo er skothelt veður og góður hópur sem fór,“ segir Aníta. Hún var ekki eini 800 metra hlauparinn á svæðinu.Myndaði öðruvísi tengsl „Þetta er mjög vinsæll staður hjá 800 metra hlaupurum þannig að maður hittir allt þetta fólk sem maður sér á mótum. Það myndast líka öðruvísi tengsl þarna þegar við erum að æfa á sama stað miðað við það að hittast í keppni. Ég náði að mynda aðeins kunningjatengsl þarna úti,” segir Aníta sem var himinlifandi með ferðina. „Við fórum líka í fyrra og þetta hefur reynst mjög vel. Það er gaman að vera þarna úti um áramótin og fá að kynnast nýju fólki. Þetta er öðruvísi,“ segir Aníta. Árið 2016 verður stórt hjá þessari öflugu íþróttakonu enda keppir hún bæði á Heimsmeistaramóti innanhúss og Ólympíuleikum. Ólympíusætið var alltaf á dagskrá en datt óvænt inn þegar lágmörk fyrir leikana voru endurskoðuð og breyttust í 2:01,50 mínútur í stað 2:01,00 mínútna. Frábært hlaup Anítu frá því síðasta sumar upp á 2:01,01 mínútur tryggði henni því farseðilinn níu mánuðum fyrir leika. „Ég átti ekkert sérstaklega von á því að það myndi gerast og það var mjög heppilegt og skemmtilegt. Núna er minna stress enda þarf ég ekki lengur að ná lágmarkinu,“ segir Aníta.Hvetjandi reynsla á HM Síðasta ár var lærdómsríkt en hún náði meðal annars tuttugasta besta tímanum í undanrásum á HM í Peking. „Það var mjög hvetjandi reynsla að taka þátt í HM. Það munaði frekar litlu að ég kæmist áfram en það var samt jákvæð reynsla. Ég náði fínu hlaupi þar og hitti allt þetta fólk,“ segir Aníta, en hver eru markmiðin í ár? „Stefnan er alltaf sett á það að bæta sig því það er alltaf skemmtilegast. Það er síðan mjög spennandi að taka þátt í Ólympíuleikunum," segir Aníta. Hún er ánægð með aðstöðuna á Íslandi sem og með æfingafélagana. „Það er þéttur hópur núna sem æfir 800 metra hlaup. Þetta eru reyndar mikið strákar sem ég æfi með en það eru að koma upp margar sterkar stelpur . Strákarnir keyra mig áfram en ég vona líka að ég hjálpi eitthvað líka til þar,“ segir Aníta létt að lokum. Frjálsar íþróttir Mest lesið Stuðningurinn ómetanlegur: „Farið í dýpstu leyndarmálin“ Sport Uppgjörið: Ísland - Eistland 50-25 | Stigu bensínið í botn frá fyrstu mínútu Handbolti Uppgjörið: Grindavík - Keflavík 96-71 | Gulklæddir flengdu Keflvíkinga Körfubolti Joselu hetjan þegar Real Madrid fór í úrslit í enn eitt skiptið Fótbolti Gummi Ben og félagar tímamældu leiktafir KR-ingsins Íslenski boltinn Bleyjur og klósettpappír áhorfenda kostuðu ÍBV Handbolti Rekinn þrátt fyrir að vera tilnefndur sem þjálfari ársins Enski boltinn Enrique hneykslaður: „Er þér alvara?“ Fótbolti Uppgjörið og viðtöl: Keflavík - Valur 1-2 | Meistararnir komu til baka suður með sjó Íslenski boltinn Uppgjörið: Breiðablik - Stjarnan 5-1| Blikar kláruðu dæmið í fyrri hálfleik Íslenski boltinn Fleiri fréttir „Ánægður að við sýndum þá hlið að við getum verið góðir í 60 mínútur“ „Á flestum sviðum körfuboltans voru þeir bara betri en við“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ „Þetta var bara sturlað“ Uppgjörið og viðtöl: Keflavík - Valur 1-2 | Meistararnir komu til baka suður með sjó Joselu hetjan þegar Real Madrid fór í úrslit í enn eitt skiptið „Eitthvað sem þær þurfa að svara fyrir á fundi á morgun“ Uppgjörið og viðtöl: FH - Þróttur 1-0 | Sigurmark á 96. mínútu Uppgjörið: Breiðablik - Stjarnan 5-1| Blikar kláruðu dæmið í fyrri hálfleik Martin og Styrmir góðir en liðunum gekk misvel Fiorentina aftur í úrslit Sambandsdeildarinnar Uppgjörið: Ísland - Eistland 50-25 | Stigu bensínið í botn frá fyrstu mínútu Uppgjörið: Grindavík - Keflavík 96-71 | Gulklæddir flengdu Keflvíkinga Gamli FH-ingurinn kom Fredrikstad áfram í bikarnum Dæmdur fyrir aðstoð við morð en valinn í landslið Síle Enrique hneykslaður: „Er þér alvara?“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld „Spáin hjálpar okkur frekar en eitthvað annað“ „Það er stórmót í húfi“ Stjörnumarkvörðurinn í vandræðum með augað á sér Fékk yfirburðarkosningu sem varnarmaður ársins Stolni gullhnöttur Maradona boðinn upp Ísland eignast nýtt EHF dómarapar Bleyjur og klósettpappír áhorfenda kostuðu ÍBV Litli Jordan vill alls ekki vera líkt við Jordan Enn hægt að fá miða á HM-leikinn í kvöld „Mbappé kann ekki að vera hetja“ Farangurinn flæktist fyrir Gísla: „Kom beint af flugvellinum“ Sjá meira
Aníta Hinriksdóttir hefur byrjað árið 2016 vel. Á Reykjavíkurleikunum tryggði hún sér farseðilinn á HM í Portland með heimsklassa 800 metra hlaupi og á Stórmóti ÍR um helgina bætti hún sig í 400 metra hlaupi í fyrsta sinn í langan tíma. „Það var léttir fyrir mig að ná þessu því við höfum verið að leggja meiri áherslu á hraða. Það var gott að sjá að það væri að skila sér. Það var langt síðan að ég hafði náð að bæta mig í 400 metrunum þannig að hún var kærkomin. Þetta er mjög jákvætt og gefur mér sjálfstraust," sagði Aníta og þessa dagana er mót um hverja helgi. „Það er mjög flott mót um næstu helgi þegar ég keppi á Norðurlandamótinu í Svíþjóð,“ segir Aníta. Hún fær mikla samkeppni um gullið á NM í ár og fagnar því enda mikil keppnismanneskja.Flott að komast í harða keppni „Þær eru nokkrar á Norðurlöndum svolítið sterkar núna í 800 metra hlaupi og það verður mjög spennandi fyrir mig að keppa við þær. Það er líka flottur undirbúningur fyrir HM í mars að komast í svona harða keppni,“ segir Aníta sem fagnar möguleikanum á að taka þátt í krefjandi og fjölmennu hlaupi. „Þetta er svolítið sem lærist á því að gera það. Það er því mikilvægt að fá slatta af svoleiðis hlaupum,“ segir Aníta. Hún kann vel sig á þessum árstíma og hefur bætt ófá Íslandsmetin á fyrstu mánuðum ársins. „Ég kann mjög vel við þessi innanhússmót og nota þau til að keyra mig í gang,“ segir Aníta en hvort met hennar í 800 metrunum fellur á NM verður þó að koma í ljós eftir tæpa viku. Áður en innanhússtímabilið hófst þá fór Aníta í æfingabúðir hinum megin á hnettinum. „Við vorum í Suður-Afríku í tvær vikur. Þetta er frábær staður sem er í dálítilli hæð þannig að maður fær örlítið áhrifin af því. Svo er skothelt veður og góður hópur sem fór,“ segir Aníta. Hún var ekki eini 800 metra hlauparinn á svæðinu.Myndaði öðruvísi tengsl „Þetta er mjög vinsæll staður hjá 800 metra hlaupurum þannig að maður hittir allt þetta fólk sem maður sér á mótum. Það myndast líka öðruvísi tengsl þarna þegar við erum að æfa á sama stað miðað við það að hittast í keppni. Ég náði að mynda aðeins kunningjatengsl þarna úti,” segir Aníta sem var himinlifandi með ferðina. „Við fórum líka í fyrra og þetta hefur reynst mjög vel. Það er gaman að vera þarna úti um áramótin og fá að kynnast nýju fólki. Þetta er öðruvísi,“ segir Aníta. Árið 2016 verður stórt hjá þessari öflugu íþróttakonu enda keppir hún bæði á Heimsmeistaramóti innanhúss og Ólympíuleikum. Ólympíusætið var alltaf á dagskrá en datt óvænt inn þegar lágmörk fyrir leikana voru endurskoðuð og breyttust í 2:01,50 mínútur í stað 2:01,00 mínútna. Frábært hlaup Anítu frá því síðasta sumar upp á 2:01,01 mínútur tryggði henni því farseðilinn níu mánuðum fyrir leika. „Ég átti ekkert sérstaklega von á því að það myndi gerast og það var mjög heppilegt og skemmtilegt. Núna er minna stress enda þarf ég ekki lengur að ná lágmarkinu,“ segir Aníta.Hvetjandi reynsla á HM Síðasta ár var lærdómsríkt en hún náði meðal annars tuttugasta besta tímanum í undanrásum á HM í Peking. „Það var mjög hvetjandi reynsla að taka þátt í HM. Það munaði frekar litlu að ég kæmist áfram en það var samt jákvæð reynsla. Ég náði fínu hlaupi þar og hitti allt þetta fólk,“ segir Aníta, en hver eru markmiðin í ár? „Stefnan er alltaf sett á það að bæta sig því það er alltaf skemmtilegast. Það er síðan mjög spennandi að taka þátt í Ólympíuleikunum," segir Aníta. Hún er ánægð með aðstöðuna á Íslandi sem og með æfingafélagana. „Það er þéttur hópur núna sem æfir 800 metra hlaup. Þetta eru reyndar mikið strákar sem ég æfi með en það eru að koma upp margar sterkar stelpur . Strákarnir keyra mig áfram en ég vona líka að ég hjálpi eitthvað líka til þar,“ segir Aníta létt að lokum.
Frjálsar íþróttir Mest lesið Stuðningurinn ómetanlegur: „Farið í dýpstu leyndarmálin“ Sport Uppgjörið: Ísland - Eistland 50-25 | Stigu bensínið í botn frá fyrstu mínútu Handbolti Uppgjörið: Grindavík - Keflavík 96-71 | Gulklæddir flengdu Keflvíkinga Körfubolti Joselu hetjan þegar Real Madrid fór í úrslit í enn eitt skiptið Fótbolti Gummi Ben og félagar tímamældu leiktafir KR-ingsins Íslenski boltinn Bleyjur og klósettpappír áhorfenda kostuðu ÍBV Handbolti Rekinn þrátt fyrir að vera tilnefndur sem þjálfari ársins Enski boltinn Enrique hneykslaður: „Er þér alvara?“ Fótbolti Uppgjörið og viðtöl: Keflavík - Valur 1-2 | Meistararnir komu til baka suður með sjó Íslenski boltinn Uppgjörið: Breiðablik - Stjarnan 5-1| Blikar kláruðu dæmið í fyrri hálfleik Íslenski boltinn Fleiri fréttir „Ánægður að við sýndum þá hlið að við getum verið góðir í 60 mínútur“ „Á flestum sviðum körfuboltans voru þeir bara betri en við“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ „Þetta var bara sturlað“ Uppgjörið og viðtöl: Keflavík - Valur 1-2 | Meistararnir komu til baka suður með sjó Joselu hetjan þegar Real Madrid fór í úrslit í enn eitt skiptið „Eitthvað sem þær þurfa að svara fyrir á fundi á morgun“ Uppgjörið og viðtöl: FH - Þróttur 1-0 | Sigurmark á 96. mínútu Uppgjörið: Breiðablik - Stjarnan 5-1| Blikar kláruðu dæmið í fyrri hálfleik Martin og Styrmir góðir en liðunum gekk misvel Fiorentina aftur í úrslit Sambandsdeildarinnar Uppgjörið: Ísland - Eistland 50-25 | Stigu bensínið í botn frá fyrstu mínútu Uppgjörið: Grindavík - Keflavík 96-71 | Gulklæddir flengdu Keflvíkinga Gamli FH-ingurinn kom Fredrikstad áfram í bikarnum Dæmdur fyrir aðstoð við morð en valinn í landslið Síle Enrique hneykslaður: „Er þér alvara?“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld „Spáin hjálpar okkur frekar en eitthvað annað“ „Það er stórmót í húfi“ Stjörnumarkvörðurinn í vandræðum með augað á sér Fékk yfirburðarkosningu sem varnarmaður ársins Stolni gullhnöttur Maradona boðinn upp Ísland eignast nýtt EHF dómarapar Bleyjur og klósettpappír áhorfenda kostuðu ÍBV Litli Jordan vill alls ekki vera líkt við Jordan Enn hægt að fá miða á HM-leikinn í kvöld „Mbappé kann ekki að vera hetja“ Farangurinn flæktist fyrir Gísla: „Kom beint af flugvellinum“ Sjá meira
Uppgjörið og viðtöl: Keflavík - Valur 1-2 | Meistararnir komu til baka suður með sjó Íslenski boltinn
Uppgjörið og viðtöl: Keflavík - Valur 1-2 | Meistararnir komu til baka suður með sjó Íslenski boltinn