Innlent

Kórónuveiruvaktin: Annar dagur samkomubanns

Ritstjórn skrifar
Það voru fáir á ferli á Suðurlandsbrautinni í gærmorgun á fyrsta degi samkomubannsins.
Það voru fáir á ferli á Suðurlandsbrautinni í gærmorgun á fyrsta degi samkomubannsins. Vísir/Vilhelm

Í dag er annar dagur samkomubanns sem tilkynnt var um fyrir helgi en banninu, sem varir í fjórar vikur, er ætlað að hefta útbreiðslu kórónuveirunnar hér á landi.

Starf grunn- og leikskóla hefst aftur um allt land í dag eftir starfsdag sem haldinn var víða í gær svo skólastjórnendur og kennarar gætu skipulagt skólastarfið framundan í samræmi við samkomubannið.

Mismunandi er eftir skólum og sveitarfélögum hversu mikið börnin mæta í leik- eða grunnskóla en ljóst er að fæstir, ef einhverjir, geta mætt alla daga vikunnar í skólann og fengið fulla kennslu. Framhaldsskólar og háskólar eru síðan alveg lokaðir og þar er kennt í fjarkennslu.

Alls hafa nú meira 200 manns greinst hér á landi með kórónuveiruna og rúmlega 2000 manns eru í sóttkví. Þá hafa verið tekin meira en 2000 sýni.

Vísir mun að sjálfsögðu flytja nýjustu fréttir af útbreiðslu veirunnar og áhrifunum sem hún hefur á íslenskt samfélag og úti í heimi. Hægt er að fylgjast með nýjustu tíðindum í vaktinni fyrir neðan.


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Velkomin á Vísi. Þessi vefur notar vafrakökur. Sjá nánar.