Erlent

Olíu­borun Norð­manna stangast ekki á við stjórnar­skrá

Atli Ísleifsson skrifar
Norskur olíupallur utan við Stafangur.
Norskur olíupallur utan við Stafangur. Getty

Norska ríkið braut ekki gegn stjórnarskrá landsins þegar heimilað var að ráðast í olíuborun á norðurslóðum. Hæstiréttur Noregs kvað í morgun upp sinn dóm í málinu sem umhverfisverndarsinnar hafa kallað „dómsmál aldarinnar“.

„Hæstiréttur getur ekki séð að reglur hafi verið brotnar. Ákvörðunin um að opna Barentshaf í suðaustri skal því ekki ógilda,“ sagði dómarinn Borgar Høgetveit Berg þegar dómur var kveðinn upp í höfuðborginni Osló í morgun.

Alls voru ellefu dómarar á sama máli og Berg, en fjórir dómarar skiluðu séráliti.

Niðurstaða Hæstaréttar Noregs bindur enda á margra ára baráttu fyrir dómstólum þar sem tekist var á um umhverfismál, efnahagsleg verðmæti og framtíða loftslagspólitík.

Umhverifssamtök sem stefndu norska ríkinu árið 2016, þeirra á meðal Greenpeace og Natur, segja Hæstarétt hafa brugðust yngri kynslóðum og íhuga nú að leita til Mannréttindadómstóls Evrópu. 

Samtökin töldu ákvörðun ríksins um að heimila olíuborun í Barentshafi árið 2013 hafa stangast á við ákvæði norsku stjórnarskrárinnar um umhverfið.

Noregur Bensín og olía
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið