Erlent

Ellefu fórust í elds­voða á heimili fyrir eldri borgara í Rúss­landi

Atli Ísleifsson skrifar
Eldsvoðinn kom upp í bænum Ishbuldino.
Eldsvoðinn kom upp í bænum Ishbuldino. Getty

Ellefu eru látnir eftir að eldur kom upp á heimili fyrir eldri borgara í bænum Ishbuldino í Basjkortostan í suðurhluta Úralfjalla í Rússlandi í nótt.

Sérstök nefnd hefur verið skipuð til að rannsaka atburðinn. Talsmaður lögreglu segir að fimmtán manns hafi verið í húsinu þegar eldurinn kom upp og hafi fjórum tekist að komast út að sjálfsdáðum.

Þegar búið var að slökkva eldinn fundust lík ellefu einstaklinga.

Rússneskir fjölmiðlar segja heimilið hafa verið skráð á velgjörðarsamtök og ætlað fyrir eldri borgara, en ekki sé ljóst hvort að leyfi hafi verið fyrir hendi að bjóða upp á gistingu.

Rússland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið