Erlent

Um 400 skólabarna saknað

Elín Margrét Böðvarsdóttir skrifar
Óttast er um afdrif 400 barna eftir að vopnaðir árásarmenn réðust á skólann þeirra.
Óttast er um afdrif 400 barna eftir að vopnaðir árásarmenn réðust á skólann þeirra. Getty/Adekunle Ajayi

Nokkur hundruð skólabarna er saknað í Nígeríu eftir að vopnaðir árásarmenn réðust á skólann þeirra í Katsina-ríki í norðvesturhluta landsins á föstudagskvöldið. Lögreglan segir að alls sé um fjögur hundruð barna saknað.

Árásarmennirnir eru sagðir hafa verið vopnaðir AK-47 hríðskotarifflum en einhverjum barnanna tókst að flýja í skjól. Upp hófst skotbardagi milli lögreglu og árásarmannanna að því er fram kemur í frétt Guardian af málinu. Alls eru um sex hundruð nemendur í skólanum en líkt og áður segir er óttast um afdrif fjögur hundruð þeirra.

„Lögreglan, nígeríski herinn og nígeríski flugherinn eru í nánu samstarfi við skólayfirvöld um að finna út raunverulegan fjölda þeirra sem er saknað eða sem hefur verið rænt,“ segir Gambo Isah, talsmaður nígerísku lögreglunnar, í yfirlýsingu.

Leit stendur yfir í von um að hægt verði að bjarga börnunum. Íbúi í bænum Mansur Bello hafa sagt í samtali við fréttaveitu AP að árásarmennirnir hafi tekið einhver barnanna á brott með sér. Árásir og mannrán á borð við þetta er ekki einsdæmi í Nígeríu. Eitt alvarlegasta málið af þessum toga kom upp árið 2014 þegar liðsmenn Boko Haram námu á brott 276 stúlkur af heimavist í Chibok. Um hundrað stúlkna er enn saknað.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×