Einn smitaður og tuttugu í sóttkví á Vestfjörðum

Samúel Karl Ólason skrifar 28. nóvember 2020 10:02

Haft er eftir Súsönnu Björgu Ástvaldsdóttur, umdæmislækni sóttvarna á Vestfjörðum, að um bakslag sé að ræða. Vísir/Egill

Einstaklingur frá Vestfjörðum sem ferðaðist til höfuðborgarsvæðisins í síðustu viku hefur reynst smitaður af Covid-19. Sá fór aftur heim og eru nú tuttugu komnir í sóttkví vegna málsins. Flestir þeirra á norðanverðum Vestfjörðum en sex sunnan Dýrafjarðarganga.

Í færslu á Facebooksíðu Heilbrigðisstofnunar Vestfjarða segir að búið sé að fullrekja smitið. Viðkomandi einstaklingur hafi passað sig mjög vel í Reykjavíkurferðinni en samt smitast.

Haft er eftir Súsönnu Björgu Ástvaldsdóttur, umdæmislækni sóttvarna á Vestfjörðum, að um bakslag sé að ræða þar sem engin smit hafi greinst á Vestfjörðum síðustu daga og örfáir séu í sóttkví.

Súsanna biður einnig alla Vestfirðinga um að fresta ferðum eins og hægt sé.

Eitt smit og tuttugu í sóttkví á Vestfjörðum Einstaklingur, sem kom frá Reykjavík fyrir viku síðan, greindist í...
Posted by Heilbrigðisstofnun Vestfjarða on Saturday, 28 November 2020

Faraldur kórónuveiru (COVID-19) Samkomubann á Íslandi

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.