Handbolti

Ólafur frá­bær, Aron Dagur með fjögur en Teitur og Viktor höfðu hægt um sig

Anton Ingi Leifsson skrifar
Ólafur Guðmundsson átti flottan leik í dag.
Ólafur Guðmundsson átti flottan leik í dag. EPA

Ólafur Guðmundsson lék á alls oddi í liði Kristianstad í sænsku úrvalsdeildinni í handbolta er liðið tapaði fyrir Skövde á heimavelli í sænska boltanum í dag.

Skövde var 12-9 yfir í hálfleik en Kristianstad minnkaði muninn í eitt mark undir lokin. Nær komust þeir þó ekki og lokatölur því 30-29 sigur Skövde.

Skövde er því komið upp í annað sætið á kostnað Kristianstad sem er í því þriðja.

Ólafur var markahæsti leikmaður Kristianstad með átta mörk en Teitur Örn Einarsson skoraði eitt mark fyrir margföldu meistarana í Svíþjóð.

Aron Dagur Pálsson skoraði fjögur mörk er Alingsås tapaði fyrir Varberg í sömu deild. Lokatölur urðu 30-28 eftir að Alingsås hafi verið 15-13 yfir í hálfleik en liðið er í 5. sæti deildarinnar.

Viktor Gísli Hallgrímsson varði sex skot, eða var með tæplega tuttugu prósent markvörslu, er GOG vann 28-26 sigur á Lemvig-Thyborøn í Danmörku. GOG er á toppnum í Danmörku.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.