Erlent

Þriðji for­seti landsins á innan við viku

Atli Ísleifsson skrifar
Hinn 76 ára Francisco Sagasti er nýr forseti Perú.
Hinn 76 ára Francisco Sagasti er nýr forseti Perú. Getty

Perúþing hefur skipað Francisco Sagasti sem forseta landsins til bráðabirgða. Sagasti verður þriðji forseti landsins á innan við viku.

Þingmaðurinn Sagasti er 76 ára, verkfræðingur að mennt og starfaði lengi innan fræðasamfélags Perú. Hann mun nú stýra landinu þar til að nýr forseti tekur við, en forsetakosningar eru fyrirhugaðar í landinu næsta vor.

Þingið bolaði Martin Vizcarra úr embætti forseta í síðustu viku í landsins í kjölfar ásakana um spillingu. Vizcarra hafnar þeim ásökunum sem á hann hafa verið bornar. Í kjölfarið brutust út mikil mótmæli í landinu og segir í frétt BBC að í þeim hafi tveir látið lífið.

Þingforsetinn Manuel Merino tók við embættinu af Vizcarra fyrir tæpri viku, en hann sagði svo af sér á sunnudag eftir mikinn þrýsting frá stjórnmálamönnum vegna harðra aðgerða lögreglu gegn mótmælendum í landinu.

Sagasti er flokksbundinn eina flokknum á Perúþingi sem greiddi atkvæði gegn því að bola Vizcarra úr embætti í síðustu viku.


Tengdar fréttir

Sagði af sér eftir örfáa daga í embætti

Merino sagði af sér í kjölfar mikilla mótmæla sem staðið hafa yfir síðan ríkisstjórn hans tók til starfa en tveir ungir menn, 24 og 25 ára, létust í mótmælunum í gær.

Perúþing bolar for­seta landsins úr em­bætti

Meirihluti þingmanna í Perú hefur samþykkt að ákæra forseta landsins, Martin Vizcarra, í kjölfar ásakana um mútuþægni. Hann hefur nú látið af forsetaembættinu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.