Kvöldfréttir Stöðvar 2

Í fréttum okkar í kvöld segjum við frá því að dómsmálaráðherra telur erfitt að ætla að skylda alla til að fara í skimun fyrir kórónuveirunni á landamærunum. Slíkar hugmyndir hefur sóttvarnalæknir viðrað. 

Við heyrum einnig frá einum af þeim sem stendur að baki Pfizer-bóluefninu. Hann telur að lífið komist ekki í eðlilegt horf fyrr en næsta vetur. 

Fjölmiðlar drógu þá ályktun í dag að Donald Trump, forseti Bandaríkjanna, hefði í fyrsta sinn viðurkennt sigur Joe Bidens að einhverju leyti. Donald Trump sagði Biden hafa sigrað með svindli. 

Viðbragðsaðilar minntust fórnarlamba umferðarslysa í dag. Bráðalæknir segir banaslys ekki eiga að vera óhjákvæmilegan fylgikvilla umferðar. 

Og Magnús Hlynur leit við í vinnustofu listamanna í Hafnarfirði þar sem Jón forseti er kominn með grímu. 

Fréttirnar hefjast á slaginu 18:30 á samtengdum rásum Stöðvar 2 og Bylgjunnar, og á Vísi.