Viðskipti innlent

Leita að nýjum leigjendum í stað b5

Stefán Árni Pálsson skrifar
Bankastræti 5 hefur verið auglýst til leigu.
Bankastræti 5 hefur verið auglýst til leigu. myndir/fasteignaljósmyndun.is

Bankastræti 5 hefur verið auglýst til leigu eins og fram kemur á fasteignavef Vísi. Húsnæðið er í eigu Fasteignafélagsins Eik. Undanfarin ár hefur skemmtistaðurinn b5 verið þar til húsa.

Jónas Óli Jónasson, meðeigandi skemmtistaðarins b5, segist ekki vilja tjá sig um málið og vísar öllum fyrirspurnum á Eik. Eigendur b5 hafa leigt húsnæðið af Eik í þónokkur ár en staðurinn hefur verið lokaður undanfarna mánuði vegna útbreiðslu kórónuveirunnar sem veldur Covid-19 sjúkdóminum. 

Þórður Ágústsson, einn af eigendum staðarins, hefur áður gagnrýnt fasteignafélagið Eik sem hækkaði leiguna á b5 eftir að kórónuveirufaraldurinn skall á og hefur hún verið 3,5 milljónir á mánuði.

Um er að ræða 450 fermetra atvinnuhúsnæði á jarðhæð þar sem b5 hefur verið til húsa í um fimmtán ár.

Sjálfur hefur Jónas Óli verið mjög hávær í allri umræðu um sóttvarnaraðgerðir stjórnvalda í tengslum við kórónuveiruna. 

B5 hefur verið gríðarlega vinsæll skemmtistaður meðal ungs fólks í mörg ár og hefur til að mynda verið hægt að leigja sér flöskuborð á staðnum, bæði á efri hæðinni og í einkaherbergi í kjallaranum.

Hér að neðan má sjá myndir af eigninni.

Dansgólfið fræga þar sem Íslendingar hafa skemmt sér vel í mörg ár. 
Hér má sjá inn í einkasamkvæmaherbergið þar sem hægt hefur verið að kaupa sér svokallað flöskuborð.
Hér innst má sjá barinn.
Reykjavík Næturlíf Veitingastaðir


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið