Innlent

Gæslan aðstoðaði bát með bilaða vél

Sylvía Hall skrifar
Frá aðgerðum í dag.
Frá aðgerðum í dag. Anton Örn og Guðmundur St. Valdimarsson.

Landhelgisgæslunni barst tilkynning um fiskibát með bilaða vél undan mynni Hvalfjarðar á fjórða tímanum í dag. Báturinn var staddur um fimm sjómílur suðvestur af Akranesi þegar útkallið barst.

Áhöfnin á varðskipinu Þór aðstoðaði bátinn, en varðskipið var í grendinni þegar tilkynning barst. Fór hluti áhafnar varðskipsins til móts við fiskibátinn á léttbát Þórs.

Laust fyrir klukkan fimm var kastlínu komið frá varðskipinu yfir í fiskibátinn sem var dreginn áleiðis til Reykjavíkur.  Hafist var handa við að stytta rólega í dráttartauginni undan Engey og voru léttbátar varðskipsins sjósettir. 

Á sjöunda tímanum var dráttartaug sleppt úr fiskibátnum og sáu léttbátar Þórs um að draga fiskibátinn til hafnar. 

Samkvæmt tilkynningu Landhelgisgæslunnar gekk aðgerði afar vel fyrir sig. Báðir léttbátar varðskipsins voru aftur komnir um borð í Þór um kvöldmatarleyti.

Landhelgisgæslan Akranes
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið