Handbolti

Orri inn í stað Bjarka

Anton Ingi Leifsson skrifar
Orri Freyr Þorkelsson hefur gert góða hluti í vinstra horninu hjá Haukum.
Orri Freyr Þorkelsson hefur gert góða hluti í vinstra horninu hjá Haukum. vísir/bára

Orri Már Þorkelsson, vinstri hornamaður Hauka, hefur verið kallaður inn í A-landsliðshóp Íslands fyrir leikinn gegn Litháen í komandi viku.

Orri Freyr kemur inn í stað Bjarka Má Elíssonar, næst markahæsta leikmanns þýsku úrvalsdeildarinnar á tímabilinu, en á heimasíðu HSÍ segir að Bjarki hafi forfallast.

Orri Freyr hefur leikið á alls oddi í liði Hauka undanfarin tímabil en hann er af handboltaættum. Faðir hans er Þorkell Magnússon, margfaldur Íslandsmeistari í handbolta. með Haukum.

Leikurinn gegn Litháen er liður í undankeppni EM 2022 en leikurinn verður spilaður í Laugardalshöll á miðvikudaginn kemur.

Báðir íslensku vinstri hornamennirnir verða því fjarri góðu gamni frá upphaflega hópnum sem var valinn því Oddur Grétarsson er meiddur. Hákon Daði Styrmisson, úr ÍBV, kemur í hans stað.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.