Handbolti

Ís­lendingarnir fóru mikinn | Að­eins einn sigur

Runólfur Trausti Þórhallsson skrifar
Viktor Gísli Hallgrímsson átti góðan leik í dag.
Viktor Gísli Hallgrímsson átti góðan leik í dag. vísir/bára

Viktor Gísli Hallgrímsson, Sveinn Jóhannesson og Elvar Örn Jónsson áttu allir frábæran leik í dönsku úrvalsdeildinni í handbolta í dag. Það var hins vegar aðeins einn sigur sem kom út úr því.

Viktor Gísli Hallgrímsson hafði betur gegn Sveini Jóhannssyni í er lið þeirra GOG og SönderjyskE mættust í dag. Fór það svo að GOG vann leikinn með átta marka mun eftir að hafa verið sex mörkum yfir í hálfleik, lokatölur 35-27.

Viktor Gísli átti frábæran leik í marki GOG og varði 11 skot sem gerði um 44 prósent markvörslu. Sveinn átti hins vegar magnaðan leik í liði SønderjyskE og ef samherjar hans hefðu verið með sömu skotnýtingu hefðu þeir ef til vill átt tækifæri í leiknum.

Sveinn skoraði átta mörk úr aðeins níu skotum í dag.

Skjern tapaði með tveggja marka mun á heimavelli er Álaborg kom í heimsókn. Elvar Örn Jónsson átti frábæran leik í liði Skjern, skoraði hann sjö mörk úr aðeins átta skotum. Dugði það því miður ekki til, lokatölur 30-28 Álaborg í vil.

Arnór Atlason er aðstoðarþjálfari Álaborgar liðsins.

Álaborg er sem fyrr á toppi deildarinnar með 19 stg eftir 11 leiki. GOG er þar á eftir með 18 stig og á leik til góða. Þá er SønderjyskE í 9. sæti með níu stig.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.