67 greindust innanlands í gær og fjórir nú á gjörgæslu

Atli Ísleifsson skrifar 16. október 2020 11:02

67 prósent þeirra sem greindust voru í sóttkví við greiningu. Vísir/Vilhelm

67 greindust með kórónuveiruna innanlands í gær. 45 þeirra sem greindust voru í sóttkví við greiningu, en 22 ekki. Það svarar til 67 prósenta.

Þetta kemur fram í uppfærðum tölum á vefnum covid.is. Alls eru 26 nú á sjúkrahúsi vegna Covid-19, þar af fjórir á gjörgæslu. Í gær voru 26 á sjúkrahúsi og þrír á gjörgæslu.

Tvö smit greindust á landamærum þar sem niðurstöður mótefnamælingar er beðið. Óvenjulega mikill fjöldi, alls átján, greindust með smit á landamærunum í fyrradag, og hefur nú komið í ljós að þau vöru öll með virkt smit.

1.206 manns eru nú í einangrun, samanborið við 1.170 í gær. Þá eru 2.823 í sóttkví í dag, samanborið við 3.035 í gær.

Af þeim 67 sem greindust innanlands í gær greindust fimmtíu eftir að tekin voru svokölluð einkennasýni og sautján við sóttkvíar- og handahófsskimun.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 289,1, en var 281,2 í gær. Þá er nýgengi landamærasmita nú 15,5, en var 9,0 í gær.

Nú hafa 3.929 manns greinst smitaðir af kórónuveiru frá upphafi faraldursins. Tíu þeirra sem hafa veikst af Covid-19 eru látnir.

Alls voru tekin 1.403 einkennasýni hjá sýkla- og veirufræðideild Landspítalans og Íslenskri erfðagreiningu í gær og 540 sýni á landamærunum eða í seinni landamæraskimun. Þá voru 646 sýni tekin við sóttkvíar- og handahófsskimun og þá voru 126 sýni tekið í annarri skimun hjá ÍE.

Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.