Dóms að vænta í grófu nauðgunarmáli Kolbeinn Tumi Daðason skrifar 13. október 2020 07:00 Konur í fjölmörgum starfstéttum deildu áfallasögum sínum í #metoo byltingunni síðla árs 2017. Vísir/GarðarKjartans Aðalmeðferð lauk í síðustu viku í grófu kynferðisbrotamáli í Héraðsdómi Reykjavíkur. Meint brot átti sér stað í ágúst 2008 í hótelherbergi, utan landsteinanna samkvæmt heimildum Vísis. Ákærði og brotaþoli þekktust. Konan lagði ekki fram kæru í málinu þegar það kom upp. Áratug síðar, í kjölfar #metoo byltingarinnar, hóf lögregla rannsókn á málinu. Grófar lýsingar í ákæru Í ákærunni, þar sem nöfn aðila eru afmáð og finna má grófar lýsingar sem rétt er að vara við, kemur fram að karlmaðurinn sé ákærður fyrir nauðgun með því að hafa aðfaranótt sunnudagsins 10. ágúst 2008 í hótelherbergi haft samræði við konu gegn hennar vilja. Aðalmeðferð í málinu fór fram í Héraðsdómi Reykjavíkur í síðustu viku. Almennt er reiknað með því að dómar séu kveðnir upp innan við fjórum vikum eftir að meðferð lýkur.Vísir/Vilhelm Er karlmanninum gefið að sök að hafa beitt konuna ólögmætri nauðung og ofbeldi. Meðal annars kastað sér á hana þar sem hún lá í rúmi og haldið henni fastri niðri. Eftir að konan féll í gólfið í átökunum hafi hann aftrað henni frá því að standa á fætur með því að grípa í fótlegg hennar. Við það hafi hún skollið harkalega á gólfið og dottið á bakið. Ákærði hafi sett hné í bringu hennar. Eftir að konan náði að skríða upp í rúm hafi karlmaðurinn lagst ofan á hana og haft við konuna samræði. Marblettir víða á líkama Af þessu hafi konan hlotið marblett, fimm sentimetra langan og tveggja sentimetra breiðan, undir viðbeini vinstra megin. Einnig marbletti á báðum framhandleggjum. Marblett og rispu á maga, á vinstri fæti, marblett og núningssár á vinstra hné og sprungur við leggangaop. Málið telst varða fyrstu málsgrein 194. greinar almennra hegningarlaga en viðurlög varða fangelsi frá einu ári og allt að sextán árum. Þá krefst konan í einkaréttakröfu að karlmaðurinn verði dæmdur til að greiða henni sex milljónir króna í bætur. Sagan ekki á meðal þeirra sem birtust #metoo Hreyfingin fór á fullt um heim allan í kjölfar þess að hópur kvenna steig fram og lýsti brotum kvikmyndaframleiðandans Harvey Weinstein. Hann hefur síðan verið dæmdur fyrir kynferðisbrot. Fjölmargir Facebook-hópar voru myndaðir í íslenskum starfstéttum þar sem konur stigu fram, stundum undir nafnleynd, og deildu áfallasögum sínum. Má nefna konur í fjölmiðlum, stjórnmálum og sviðslistum sem dæmi. Í framhaldinu sendu margir hópar frá sér yfirlýsingu og með fylgdi fjöldi frásagna undir nafnleynd. Efnt var til viðburðar í Borgarleikhúsinu þar sem konur úr ólíkum stéttum lásu upp áfallasögur. Frásögnin um hina meintu nauðgun árið 2008 birtist í einum slíkum hóp undir nafnleynd. Vöktu lýsingarnar mikinn óhug í hópnum. Þessi saga var ekki send út með öllum hinum þegar frásagnir þeirrar stéttar voru birtar opinberlega. Málin vöktu mikla athygli og voru íslenskir fjölmiðlar undirlagðir áfallasögum kvenna í nokkrar vikur. Einstaka karlmenn misstu vinnuna auk þess sem fyrirtæki og stofnanir hétu að gera betur í sínum málum. Metoo-hreyfingin var valin maður ársins af fréttastofu Stöðvar 2, Vísis og Bylgjunnar. Grófustu kynferðisbrotin fyrnast á fimmtán árum Málið var þingfest í maí en þá kom fram í frétt Ríkisútvarpsins að innan við tvö ár væru liðin frá því að málið var kært. Um áratugur var því liðinn frá því að meint brot átti sér stað. Kynferðisbrot þar sem þyngsta refsing varðar meira en tíu ára fangelsi fyrnast á fimmtán árum. Vísi er ekki kunnugt um að fallið hafi dómur í máli hér á landi sem hafi verið kært í kjölfar #metoo byltingarinnar. Athugasemd ritstjórnar 3. desember 2021. Fréttin hefur verið uppfærð með upplýsingum frá Geir Gestssyni, réttargæslumanni brotaþola, að hún hefði aldrei kært málið. Hann segir að lögregla hafi hafið frumkvæðisrannsókn á málinu. MeToo Kynferðisofbeldi Dómsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Horfa á bíómyndir og senda tölvupósta á meðan þeir keyra Innlent Forsetavaktin 2024: Hver verður sjöundi forseti lýðveldisins? Innlent Segir alvarlegt hvernig Katrín tjáði sig um Persónuvernd Innlent Gantz hótar að segja af sér vegna ósættis við Netanjahú Erlent Bergvin dæmdur fyrir að áreita þrjár konur Innlent Ástand Fico enn alvarlegt Erlent Ekki megrunarlyf heldur lyf við offitu Innlent Býst við aukinni sókn Rússa Erlent „Nú á dögunum tók sonur minn líf sitt innan veggja fangelsisins“ Innlent Of þung en annars hraust á Ozempic Innlent Fleiri fréttir Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Sjá meira
Aðalmeðferð lauk í síðustu viku í grófu kynferðisbrotamáli í Héraðsdómi Reykjavíkur. Meint brot átti sér stað í ágúst 2008 í hótelherbergi, utan landsteinanna samkvæmt heimildum Vísis. Ákærði og brotaþoli þekktust. Konan lagði ekki fram kæru í málinu þegar það kom upp. Áratug síðar, í kjölfar #metoo byltingarinnar, hóf lögregla rannsókn á málinu. Grófar lýsingar í ákæru Í ákærunni, þar sem nöfn aðila eru afmáð og finna má grófar lýsingar sem rétt er að vara við, kemur fram að karlmaðurinn sé ákærður fyrir nauðgun með því að hafa aðfaranótt sunnudagsins 10. ágúst 2008 í hótelherbergi haft samræði við konu gegn hennar vilja. Aðalmeðferð í málinu fór fram í Héraðsdómi Reykjavíkur í síðustu viku. Almennt er reiknað með því að dómar séu kveðnir upp innan við fjórum vikum eftir að meðferð lýkur.Vísir/Vilhelm Er karlmanninum gefið að sök að hafa beitt konuna ólögmætri nauðung og ofbeldi. Meðal annars kastað sér á hana þar sem hún lá í rúmi og haldið henni fastri niðri. Eftir að konan féll í gólfið í átökunum hafi hann aftrað henni frá því að standa á fætur með því að grípa í fótlegg hennar. Við það hafi hún skollið harkalega á gólfið og dottið á bakið. Ákærði hafi sett hné í bringu hennar. Eftir að konan náði að skríða upp í rúm hafi karlmaðurinn lagst ofan á hana og haft við konuna samræði. Marblettir víða á líkama Af þessu hafi konan hlotið marblett, fimm sentimetra langan og tveggja sentimetra breiðan, undir viðbeini vinstra megin. Einnig marbletti á báðum framhandleggjum. Marblett og rispu á maga, á vinstri fæti, marblett og núningssár á vinstra hné og sprungur við leggangaop. Málið telst varða fyrstu málsgrein 194. greinar almennra hegningarlaga en viðurlög varða fangelsi frá einu ári og allt að sextán árum. Þá krefst konan í einkaréttakröfu að karlmaðurinn verði dæmdur til að greiða henni sex milljónir króna í bætur. Sagan ekki á meðal þeirra sem birtust #metoo Hreyfingin fór á fullt um heim allan í kjölfar þess að hópur kvenna steig fram og lýsti brotum kvikmyndaframleiðandans Harvey Weinstein. Hann hefur síðan verið dæmdur fyrir kynferðisbrot. Fjölmargir Facebook-hópar voru myndaðir í íslenskum starfstéttum þar sem konur stigu fram, stundum undir nafnleynd, og deildu áfallasögum sínum. Má nefna konur í fjölmiðlum, stjórnmálum og sviðslistum sem dæmi. Í framhaldinu sendu margir hópar frá sér yfirlýsingu og með fylgdi fjöldi frásagna undir nafnleynd. Efnt var til viðburðar í Borgarleikhúsinu þar sem konur úr ólíkum stéttum lásu upp áfallasögur. Frásögnin um hina meintu nauðgun árið 2008 birtist í einum slíkum hóp undir nafnleynd. Vöktu lýsingarnar mikinn óhug í hópnum. Þessi saga var ekki send út með öllum hinum þegar frásagnir þeirrar stéttar voru birtar opinberlega. Málin vöktu mikla athygli og voru íslenskir fjölmiðlar undirlagðir áfallasögum kvenna í nokkrar vikur. Einstaka karlmenn misstu vinnuna auk þess sem fyrirtæki og stofnanir hétu að gera betur í sínum málum. Metoo-hreyfingin var valin maður ársins af fréttastofu Stöðvar 2, Vísis og Bylgjunnar. Grófustu kynferðisbrotin fyrnast á fimmtán árum Málið var þingfest í maí en þá kom fram í frétt Ríkisútvarpsins að innan við tvö ár væru liðin frá því að málið var kært. Um áratugur var því liðinn frá því að meint brot átti sér stað. Kynferðisbrot þar sem þyngsta refsing varðar meira en tíu ára fangelsi fyrnast á fimmtán árum. Vísi er ekki kunnugt um að fallið hafi dómur í máli hér á landi sem hafi verið kært í kjölfar #metoo byltingarinnar. Athugasemd ritstjórnar 3. desember 2021. Fréttin hefur verið uppfærð með upplýsingum frá Geir Gestssyni, réttargæslumanni brotaþola, að hún hefði aldrei kært málið. Hann segir að lögregla hafi hafið frumkvæðisrannsókn á málinu.
MeToo Kynferðisofbeldi Dómsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Horfa á bíómyndir og senda tölvupósta á meðan þeir keyra Innlent Forsetavaktin 2024: Hver verður sjöundi forseti lýðveldisins? Innlent Segir alvarlegt hvernig Katrín tjáði sig um Persónuvernd Innlent Gantz hótar að segja af sér vegna ósættis við Netanjahú Erlent Bergvin dæmdur fyrir að áreita þrjár konur Innlent Ástand Fico enn alvarlegt Erlent Ekki megrunarlyf heldur lyf við offitu Innlent Býst við aukinni sókn Rússa Erlent „Nú á dögunum tók sonur minn líf sitt innan veggja fangelsisins“ Innlent Of þung en annars hraust á Ozempic Innlent Fleiri fréttir Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Sjá meira