Innlent

Sex á spítala vegna kórónuveirunnar og einn í öndunarvél

Margrét Helga Erlingsdóttir skrifar
Sóttvarnayfirvöld telja að fleiri muni þurfa á sjúkrahúsinnlögn að halda á næstu dögum.
Sóttvarnayfirvöld telja að fleiri muni þurfa á sjúkrahúsinnlögn að halda á næstu dögum. Vísir/Vilhelm

Sex sjúklingar liggja nú inni á Landspítalanum vegna kórónuveirunnar en innlögnum fjölgaði um einn í dag.

Af þeim sex sem eru inniliggjandi eru tveir á gjörgæslu og þar af einn í öndunarvél.

519 sjúklingar eru nú í eftirliti Covid-19 göngudeildar.

Þetta kemur fram í tilkynningu frá viðbragðsstjórn spítalans.

Alls greindust 32 með veiruna í gær en þar af voru 17 í sóttkví við greiningu.

Sóttvarnayfirvöld telja að fleiri muni þurfa á sjúkrahúsinnlögn að halda á næstu dögum. Í samtali við fréttastofu í gær sagði Víðir Reynisson, yfirlögregluþjónn, að róðurinn myndi þyngjast næstu daga í ljósi þess fjölda sem nú er veikur vegna kórónuveirunnar.


Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×