Síðustu tveir heimaleikir Fjölnis færðir inn í Egilshöll

Ingvi Þór Sæmundsson skrifar 28. september 2020 10:46

Fjölnismenn leika tvo síðustu heimaleiki sína innanhúss. vísir/vilhelm

Tveir síðustu heimaleikir Fjölnis í Pepsi Max-deild karla hafa verið færðir inn í Egilshöll. Um er að ræða leiki gegn KR 15. október og HK 24. október.

Fjölnismenn hafa því leikið sinn síðasta leik á Extra-vellinum á þessu tímabili.

Gervigrasið í Egilshöll hefur verið nokkuð í umræðunni og Rúnar Kristinsson, þjálfari KR, blótaði því í sand og ösku eftir að Gunnar Þór Gunnarsson sleit krossband í hné í bikarleik gegn Vængjum Júpíters í júní.

Síðustu tveir leikir Fjölnis í Lengjudeild kvenna fara einnig fram í Egilshöll. Fjölnir tekur á móti Aftureldingu á laugardaginn og Víkingi eftir viku.

Fjölnir er í tólfta og neðsta sæti Pepsi Max-deildar karla og er svo gott sem fallið. Fjölnismenn lutu í lægra haldi fyrir FH-ingum í gær, 1-0.

Pepsi Max-deild karla Fjölnir

Tengdar fréttir

Umfjöllun og viðtöl: FH - Fjölnir 1-0 | Seiglusigur FH í bragðdaufum leik

FH svaraði fyrir stórt tap fyrir Val í síðustu umferð með naumum sigri á botnliðinu.

27. september 2020 16:55

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.