Innlent

38 greindust með veiruna

Vésteinn Örn Pétursson skrifar
Frá sýnatökum Heilsugæslunnar á Höfuðborgarsvæðinu.
Frá sýnatökum Heilsugæslunnar á Höfuðborgarsvæðinu. Vísir/Vilhelm

38 greindust með kórónuveiruna innanlands í gær. Af þeim voru 20 í sóttkví við greiningu.

Þetta kemur fram í uppfærðum tölum á vef Almannavarna og Landlæknis, covid.is. Tveir eru á sjúkrahúsi með veiruna líkt og í gær. Alls hefur 379 greinst með veiruna hér innanlands síðustu tíu sólarhringa.

Tvö smit greindust á landamærunum þar sem mótefnamælingar er beðið í báðum tilfellum.

Af þeim 38 sem greindust innanlands var um 28 einkennasýni að ræða og 10 við sóttkvíar- og handahófsskimun.

435 eru nú í einangrun, samanborið við 400 í gær. Í sóttkví eru 1.780, en í gær voru 2.362.

Nýgengi innanlandssmita, sem er fjöldi smitaðra á hverja 100 þúsund íbúa undanfarnar tvær vikur er nú 113,2 en var 103,1 í gær. 

Alls hafa 2.601 greinst smitaðir af kórónuveirunni innanlands frá upphafi faraldursinsin. Tíu þeirra sem veikst hafa af Covid-19 hér á landi eru látin.

Alls voru tekin 1.205 einkennasýni hjá sýkla- og veirufræðideild Landspítalans og Íslenskri erfðagreiningu í gær og 693 sýni á landamærunum eða í seinni landamæraskimun. Þá voru 140 sýni tekin í annarri skimun hjá Íslenskri erfðagreiningu og 892 sýni tekin við sóttkvíar- og handahófsskimun.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.