Fiskikóngurinn sár eftir fyrirvaralausa SMS-uppsögn starfsmanna Kristín Ólafsdóttir skrifar 23. september 2020 14:46 Kristján Berg Ásgeirsson, oftast kenndur við Fiskikónginn. Skjáskot Kristján Berg Ásgeirsson, oftast kenndur við fiskverslun sína Fiskikónginn, kveðst hafa setið eftir með sárt ennið þegar tveir starfsmenn verslunarinnar sögðu fyrirvaralaust upp störfum í gegnum SMS-skilaboð um helgina. Hann segir rétt atvinnurekenda óljósan í þessari stöðu og vonast til þess að opna „viðkvæma umræðu“ með því að fjalla um málið. Kristján greindi fyrst frá málinu í pistli sem hann birti á Facebook-síðu sinni í gær. Þar sagði hann frá því að tveir starfsmenn Fiskikóngsins hefðu sagt upp störfum fyrirvaralaust um helgina og, að sögn Kristjáns, þegar hafið störf annars staðar. Þeir hefðu þannig ekki virt ákvæði um uppsagnarfrest í samningi. „Starfsmenn vilja alltaf fá uppsagnarfrestinn greiddan ef þeim er vikið úr starfi en mörgum starfsmönnum finnst allt í lagi að LABBA út af vinnustað þegar þeim dettur í hug og það á ekki að vera neinn eftirmáli af því,“ skrifaði Kristján. Hann kvað rétt atvinnurekanda í þessari stöðu óljósan. „Mér finnst bara að allir verða að virða og standa við gerða samninga.“ Færslu Kristjáns má sjá hér að neðan. Kristján ræddi málið frekar í útvarpsþættinum Bítinu á Bylgjunni í morgun. Hann sagði ríka áherslu lagða á það að fara eftir öllum lögum og reglum þegar atvinnurekandi þarf að segja starfsmanni upp. Annað væri oft uppi á teningnum þegar þessu væri öfugt farið. „En síðan eru einstaka starfsmenn sem haga sér illa að mínu mati og traðka á okkur atvinnurekendum og öðru starfsfólki sem vinnur með þeim. Í þessu tilfelli voru tveir starfsmenn sem hættu hjá mér og senda mér SMS um að þeir séu hættir að vinna. Mér finnst það svolítið kjánalegt og lágkúrulegt. Fólk sem er búið að vinna hjá mér í þrjú, fjögur ár. Sendir mér SMS með uppsögn og ætlar ekkert að mæta aftur í vinnu. Það er svolítið barnalegt. Neitar að vinna uppsagnarfrestinn, vill bara hætta strax og er komið í vinnu annars staðar,“ sagði Kristján. Segir altalað að fólk hlaupi frá starfi Þá kvaðst hann hafa sett sig í samband við fyrirtækið sem umræddir starfsmenn réðu sig til. Þar hafi svörin verið á þá leið að ekkert væri hægt að gera. Kristján setur spurningamerki við þær málalyktir. „Ég sagði: bíddu hvernig getur það verið. Þær [starfsmennirnir] voru með samning við mig og þær eiga eftir að klára samninginn og ganga frá lausum endum. Hvernig getur fyrirtæki gert samning við starfsmann sem er með samning nú þegar?“ sagði Kristján. „Ég hef rekið fyrirtæki í þrjátíu ár og þetta er alveg altalað, að fólk hlaupi frá starfi og er komið með vinnu annars staðar daginn eftir eða sama dag jafnvel. Og það vita allir en það þorir enginn að tala um þetta. En nú held ég að ég sé að brjóta ísinn á svona viðkvæma umræðu.“ Langar ekki í málarekstur Lengd uppsagnarfrests er ýmist ákveðin í lögum, kjarasamningum eða ráðningarsamningi. Fram kemur á vef Samtaka atvinnulífsins að fari starfsmaður úr starfi án þess að virða samningsbundinn uppsagnarfrest sinn, og án samþykkis vinnuveitanda, hafi hann gerst sekur um brotthlaup úr starfi. Starfsmaðurinn geti þannig verið bótaskyldur gagnvart vinnuveitanda sínum. Vinnuveitanda sé þannig heimilt að halda eftir launum, orlofi og uppbótum upp í bótakröfu sína. Ekki er þó vitað hvort þetta eigi við í tilviki starfsmanna Fiskikóngsins. Kristján kvaðst aldrei hafa lent í viðlíka áður. Hann þekkti því illa rétt sinn í þessari stöðu. „En þetta eru kannski aðstæður sem maður vill ekki standa í, að þurfa að fara í mál við fyrrverandi starfsmann sem hefur unnið góð störf og á gott samband við. Að þurfa að fara í málarekstur um að fara að borga mér pening fyrir að hætta,“ sagði Kristján. Viðtalið við Kristján í Bítinu má hlusta á í heild í spilaranum hér fyrir neðan. Vinnumarkaður Kjaramál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Bankastjóri segir Landsbankann ekki vera ríkisfyrirtæki Viðskipti innlent „What do you mean by shit-mix, are you mixing the shit?“ Atvinnulíf Bremsutrix Polestar 2 sannaði sig þegar elgir stukku út á veginn Samstarf Sofnar í leikhúsi, á tónleikum, í kirkjum og fleiri stöðum Atvinnulíf Mál tengd Base Parking á borði Neytendasamtakanna í hverjum mánuði Neytendur Deilur og leiðindi við vinnufélaga og góð ráð Atvinnulíf „Þessi viðskipti verða ekki að veruleika með mínu samþykki“ Viðskipti innlent 27 vilja stýra fasteignafélaginu Þórkötlu Viðskipti innlent Landsbankinn lækkar vexti Neytendur Tæplega þriggja milljarða króna viðsnúningur Viðskipti innlent Fleiri fréttir Bein útsending: Má þetta bara? Engin löndun í bili í Grindavík Þrír nýir stjórnendur hjá Styrkási Bankastjóri segir Landsbankann ekki vera ríkisfyrirtæki Tæplega þriggja milljarða króna viðsnúningur 27 vilja stýra fasteignafélaginu Þórkötlu Kvika tók kipp Kaupin á Lyfju krefjast að óbreyttu íhlutunar Samkeppniseftirlitsins „Þessi viðskipti verða ekki að veruleika með mínu samþykki“ Samþykkja tilboð Landsbankans í TM Forstjóraskipti hjá Play Slóð viðskipta sakbornings tengist World Class-veldinu Ríkiskaup lögð niður og verkefnin flutt til Fjársýslunnar Ráðinn nýr hagfræðingur ÖBÍ Ríflega helmingur vill ekki skipta við Rapyd Múlakaffi opnar dyrnar í Sjálandi Spá því að verðbólga hjaðni rólega næstu mánuði Í skýjunum með 111 milljarða króna útboðið Fékk greiddar um tíu milljónir í viðbótarlaun Miðaldra reka lestina í framtalsskilum Gjaldþrot N4 nam 89 milljónum króna Sigríður Lovísa hlaut flest atkvæði í stjórnarkjöri VR Hlutfallslega flestar leiguíbúðir á Suðurnesjum Bein útsending: Kynna yfirlýsingu fjármálastöðugleikanefndar Fjármálakerfið standi traustum fótum Opna pílu- og veitingastað á gamla Stjörnutorgi Gefur ekki fimm aura fyrir gagnrýni á Krónuna Eik var ekki kunnugt um skattalagabrot Kristjáns og slítur samstarfi Forstjóraskipti hjá Origo Stefna á skráningu í Kauphöll á næstu mánuðum Sjá meira
Kristján Berg Ásgeirsson, oftast kenndur við fiskverslun sína Fiskikónginn, kveðst hafa setið eftir með sárt ennið þegar tveir starfsmenn verslunarinnar sögðu fyrirvaralaust upp störfum í gegnum SMS-skilaboð um helgina. Hann segir rétt atvinnurekenda óljósan í þessari stöðu og vonast til þess að opna „viðkvæma umræðu“ með því að fjalla um málið. Kristján greindi fyrst frá málinu í pistli sem hann birti á Facebook-síðu sinni í gær. Þar sagði hann frá því að tveir starfsmenn Fiskikóngsins hefðu sagt upp störfum fyrirvaralaust um helgina og, að sögn Kristjáns, þegar hafið störf annars staðar. Þeir hefðu þannig ekki virt ákvæði um uppsagnarfrest í samningi. „Starfsmenn vilja alltaf fá uppsagnarfrestinn greiddan ef þeim er vikið úr starfi en mörgum starfsmönnum finnst allt í lagi að LABBA út af vinnustað þegar þeim dettur í hug og það á ekki að vera neinn eftirmáli af því,“ skrifaði Kristján. Hann kvað rétt atvinnurekanda í þessari stöðu óljósan. „Mér finnst bara að allir verða að virða og standa við gerða samninga.“ Færslu Kristjáns má sjá hér að neðan. Kristján ræddi málið frekar í útvarpsþættinum Bítinu á Bylgjunni í morgun. Hann sagði ríka áherslu lagða á það að fara eftir öllum lögum og reglum þegar atvinnurekandi þarf að segja starfsmanni upp. Annað væri oft uppi á teningnum þegar þessu væri öfugt farið. „En síðan eru einstaka starfsmenn sem haga sér illa að mínu mati og traðka á okkur atvinnurekendum og öðru starfsfólki sem vinnur með þeim. Í þessu tilfelli voru tveir starfsmenn sem hættu hjá mér og senda mér SMS um að þeir séu hættir að vinna. Mér finnst það svolítið kjánalegt og lágkúrulegt. Fólk sem er búið að vinna hjá mér í þrjú, fjögur ár. Sendir mér SMS með uppsögn og ætlar ekkert að mæta aftur í vinnu. Það er svolítið barnalegt. Neitar að vinna uppsagnarfrestinn, vill bara hætta strax og er komið í vinnu annars staðar,“ sagði Kristján. Segir altalað að fólk hlaupi frá starfi Þá kvaðst hann hafa sett sig í samband við fyrirtækið sem umræddir starfsmenn réðu sig til. Þar hafi svörin verið á þá leið að ekkert væri hægt að gera. Kristján setur spurningamerki við þær málalyktir. „Ég sagði: bíddu hvernig getur það verið. Þær [starfsmennirnir] voru með samning við mig og þær eiga eftir að klára samninginn og ganga frá lausum endum. Hvernig getur fyrirtæki gert samning við starfsmann sem er með samning nú þegar?“ sagði Kristján. „Ég hef rekið fyrirtæki í þrjátíu ár og þetta er alveg altalað, að fólk hlaupi frá starfi og er komið með vinnu annars staðar daginn eftir eða sama dag jafnvel. Og það vita allir en það þorir enginn að tala um þetta. En nú held ég að ég sé að brjóta ísinn á svona viðkvæma umræðu.“ Langar ekki í málarekstur Lengd uppsagnarfrests er ýmist ákveðin í lögum, kjarasamningum eða ráðningarsamningi. Fram kemur á vef Samtaka atvinnulífsins að fari starfsmaður úr starfi án þess að virða samningsbundinn uppsagnarfrest sinn, og án samþykkis vinnuveitanda, hafi hann gerst sekur um brotthlaup úr starfi. Starfsmaðurinn geti þannig verið bótaskyldur gagnvart vinnuveitanda sínum. Vinnuveitanda sé þannig heimilt að halda eftir launum, orlofi og uppbótum upp í bótakröfu sína. Ekki er þó vitað hvort þetta eigi við í tilviki starfsmanna Fiskikóngsins. Kristján kvaðst aldrei hafa lent í viðlíka áður. Hann þekkti því illa rétt sinn í þessari stöðu. „En þetta eru kannski aðstæður sem maður vill ekki standa í, að þurfa að fara í mál við fyrrverandi starfsmann sem hefur unnið góð störf og á gott samband við. Að þurfa að fara í málarekstur um að fara að borga mér pening fyrir að hætta,“ sagði Kristján. Viðtalið við Kristján í Bítinu má hlusta á í heild í spilaranum hér fyrir neðan.
Vinnumarkaður Kjaramál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Bankastjóri segir Landsbankann ekki vera ríkisfyrirtæki Viðskipti innlent „What do you mean by shit-mix, are you mixing the shit?“ Atvinnulíf Bremsutrix Polestar 2 sannaði sig þegar elgir stukku út á veginn Samstarf Sofnar í leikhúsi, á tónleikum, í kirkjum og fleiri stöðum Atvinnulíf Mál tengd Base Parking á borði Neytendasamtakanna í hverjum mánuði Neytendur Deilur og leiðindi við vinnufélaga og góð ráð Atvinnulíf „Þessi viðskipti verða ekki að veruleika með mínu samþykki“ Viðskipti innlent 27 vilja stýra fasteignafélaginu Þórkötlu Viðskipti innlent Landsbankinn lækkar vexti Neytendur Tæplega þriggja milljarða króna viðsnúningur Viðskipti innlent Fleiri fréttir Bein útsending: Má þetta bara? Engin löndun í bili í Grindavík Þrír nýir stjórnendur hjá Styrkási Bankastjóri segir Landsbankann ekki vera ríkisfyrirtæki Tæplega þriggja milljarða króna viðsnúningur 27 vilja stýra fasteignafélaginu Þórkötlu Kvika tók kipp Kaupin á Lyfju krefjast að óbreyttu íhlutunar Samkeppniseftirlitsins „Þessi viðskipti verða ekki að veruleika með mínu samþykki“ Samþykkja tilboð Landsbankans í TM Forstjóraskipti hjá Play Slóð viðskipta sakbornings tengist World Class-veldinu Ríkiskaup lögð niður og verkefnin flutt til Fjársýslunnar Ráðinn nýr hagfræðingur ÖBÍ Ríflega helmingur vill ekki skipta við Rapyd Múlakaffi opnar dyrnar í Sjálandi Spá því að verðbólga hjaðni rólega næstu mánuði Í skýjunum með 111 milljarða króna útboðið Fékk greiddar um tíu milljónir í viðbótarlaun Miðaldra reka lestina í framtalsskilum Gjaldþrot N4 nam 89 milljónum króna Sigríður Lovísa hlaut flest atkvæði í stjórnarkjöri VR Hlutfallslega flestar leiguíbúðir á Suðurnesjum Bein útsending: Kynna yfirlýsingu fjármálastöðugleikanefndar Fjármálakerfið standi traustum fótum Opna pílu- og veitingastað á gamla Stjörnutorgi Gefur ekki fimm aura fyrir gagnrýni á Krónuna Eik var ekki kunnugt um skattalagabrot Kristjáns og slítur samstarfi Forstjóraskipti hjá Origo Stefna á skráningu í Kauphöll á næstu mánuðum Sjá meira