Körfubolti

Lakers lenti ekki í vandræðum í fyrsta leik undanúrslitanna

Ísak Hallmundarson skrifar
Anthony Davis og Nikola Jokic eigast við í leiknum í nótt.
Anthony Davis og Nikola Jokic eigast við í leiknum í nótt.

Los Angeles Lakers sigraði Denver Nuggets í fyrsta leik í úrslitaeinvígi Vesturdeildarinnar í NBA í nótt. Lakers vann deildarkeppni Vesturdeildarinnar en Nuggets lentu í þriðja sæti. Liðið sem ber sigur úr býtum í einvíginu kemst áfram í úrslitin um NBA-meistaratitilinn og mætir sigurliði Austurdeildarinnar.

Denver vann jafnan fyrsta leikhluta, 38-36, en staðan í hálfleik var 70-59 fyrir Lakers. Los Angeles liðið hafði 24 stiga forystu eftir þrjá leikhluta en Denver náði að rétta úr kútnum í lokaleikhlutanum og urðu lokatölur 126-114 Lakers í vil.

Anthony Davis var stigahæstur í liði Lakers með 37 stig, LeBron James var með 15 stig og gaf 12 stoðsendingar og Rajon Rondo var með níu stoðsendingar af bekknum fyrir Lakers.

Nikola Jokic og Jamal Murray voru stigahæstir í liði Denver, hvor um sig með 21 stig. 

Næsti leikur liðanna fer fram annað kvöld en í kvöld mætast Boston Celtics og Miami Heat í úrslitum Austurdeildarinnar, þar sem Miami leiðir einvígið 2-0.

NBA


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.