Birna fór á kostum í sigri ÍBV

Atli Freyr Arason skrifar
Birna var frábær í dag.
Birna var frábær í dag. vísir/vilhelm

Birna Berg Haraldsdóttir skoraði tíu mörk er ÍBV vann fjögurra marka sigur á HK, 25-21, er liðin mættust í 2. umferð Olís-deildar kvenna í dag.

ÍBV var tveimur mörkum yfir í hálfleik, 14-12, og hélt forystunni allan síðari hálfleikinn þrátt fyrir áhlaup heimastúlkna.

Birna Berg var markahæst hjá ÍBV með tíu mörk og Marta Wawrzykowska var með rúmlega 41% markvörslu í markinu. Sunna Jónsdóttir og Ásta Björt Júlíusdóttir skoruðu fimm mörk hvor.

Sigríður Hauksdóttir skoraði níu mörk fyrir HK og þær Valgerður Ýr Þorsteinsdóttir og Elna Ólöf Guðjónsdóttir skoruðu fjögur mörk hvor.

ÍBV er því með þrjú stig eftir fyrstu tvær umferðirnar en HK er enn án stiga.

Bein lýsing

Leikirnir




    Velkomin á Vísi. Þessi vefur notar vafrakökur. Sjá nánar.