Aron lék í öruggum sigri Barcelona | Óðinn Þór skoraði fjögur

Runólfur Trausti Þórhallsson skrifar 17. september 2020 19:00

Aron Pálmarsson og félagar í Barcelona hefja tímabilið í Meistaradeild Evrópu á sigri. vísir/getty

Aron Pálmarsson og félagar í Barcelona hófu tímabiliðð í Meistaradeild Evrópu vel. Þeir unnu góðan fimm marka útisigur á Motor Zaporozhye frá Úkraínu. Þá var Óðinn Þór Ríkharðsson heitur er Holstebro lagði Skanderborg í dönsku úrvalsdeildinni.

Leikur Barcelona var ef til vill ekki jafn auðveldur og talið var í upphafi. Liðið var tveimur mörkum yfir í hálfleik, staðan þá 13-11. Í þeim síðari spýttu leikmenn Börsunga í lófana og unnu á endanum fimm marka sigur.

Lokatölur 30-25 Börsungum í vil. Aron gerði eitt mark í liði Barcelona úr fimm skotum. Barcelona hefur þar með tímabilið á sigri og er sem stendur í 2. sæti B-riðils.

Þá var Óðinn Þór heitur í liði Holstebro sem vann góðan sjö marka sigur á Skanderborg í dönsku úrvalsdeildinni. Óðinn Þór skoraði fjögur mörk í 34-27 sigri Holstebro sem er nú með þrjá sigra eftir fjóra leiki.

Situr liðið í öðru sæti dönsku úrvalsdeildarinnar með sex stig.

Handbolti Spænski handboltinn Meistaradeild Evrópu

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.