Kynna brátt lita­kóða í anda veður­við­varana

Almannavarnadeild embættis ríkislögreglustjóra þróar nú verkefni þar sem verið er að leita leiða til að gefa upplýsingar um hættuna vegna kórónuveirunnar á hverjum tíma. Er þar horft til litakóða sem eigi að gefa til kynna hættustig.

Þetta kom fram í máli Víðis Reynissonar yfirlögregluþjóns á upplýsingafundi í dag. Kveðst hann vona að hægt verði að kynna þetta til leiks í lok þessarar viku eða byrjunar þeirrar næstu.

Víðir nefndi að þar hafi verið horft til Veðurstofunnar og því viðvaranakerfi sem þar er. Þekkja landsmenn orðið það mjög vel þegar gefnar eru úr gular, appelsínugular eða þá rauðar viðvaranir.