Innlent

Enn tækifæri til berjatínslu

Vésteinn Örn Pétursson skrifar
Krækiber.
Krækiber. Vísir/Getty

Dæmigerðar haustlægðir ganga nú yfir landið með vætutíð, en ekki svo miklum kulda. Ástæðan er að loftið sem lægðunum fylgir er ættað langt sunnan úr hafi. Þetta kemur fram í hugleiðingum veðurfræðings á vef Veðurstofu Íslands.

Þar segir að enn sé tækifæri til berjatínslu, þar sem ekki hafi enn frosið á mörgum berjasvæðum.

Í dag má svo búast við norðaustan 8 til 15 metrum á sekúndu, en hvassast verður norðvestantil og rigning á Norðurlandi þó dragi úr vætu með morgninum. Víða verða skúrir sunnar á landinu, en þurrt að kalla vestanlands. Hiti verður á bilinu 4 til 12 stig að deginum, en hvað hlýjast suðvestantil.

Veðurhorfur á landinu næstu daga má nálgast á vef Veðurstofunnar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.