Erlent

Fundu þúsund ára gamlan fjár­sjóð í Ísrael

Atli Ísleifsson skrifar
Fjársjóðurinn fannst við uppgröft í Yavn Tel Aviv í Ísrael.
Fjársjóðurinn fannst við uppgröft í Yavn Tel Aviv í Ísrael. AP

Krús með um 1.100 ára gömlum gullmyntum hefur fundist við uppgröft í Ísrael.

Það var hópur ungra sjálfboðaliða sem fann fjársjóðinn. Er unnið að uppgreftrinum í Yavn Tel Aviv, en til stendur að reisa íbúðabyggingar á svæðinu.

Myntirnar eru alls 425 talsins og úr skíragulli frá tímum kalífati Abbasída, sem var stórveldi í Miðausturlöndum frá 700 til 1200.

„Manneskjan sem gróf þennan fjársjóð fyrir um 1.100 árum hlýtur að hafa ætlað sér að sækja hann aftur síðar og lokaði krúsinni með nagla. Við getum bara látið okkur geta hvað hafi orðið til þess að hann sótti ekki fjársjóðinn aftur,“ segir Liat Nadav-Ziv sem stýrir uppgreftrinum.

Robert Kool, sérfræðingur í ráðuneyti fornminja í Ísrael, segir að um merkilegan fund sé að ræða, enda sé ljóst að um mikla fjárhæð að ræða. „Með þessa summu hefði maður til dæmis getað keypt glæsihús í einu af bestu hverfunum í Fustat, höfuðborg Egyptalands á þessum tíma.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×