Bein út­sending: Hlaupa­bretta­á­skorunin 2020

Eins og flestir vita nú þegar fór Reykjavíkurmaraþon Íslandsbanka ekki fram í ár. Til að styðja við bakið á góðgerðarfélögunum var þeim boðið að taka þátt í hlaupabrettaáskorun. 

Áskorunin fer þannig fram að hlauparar frá nokkrum af þeim fjölmörgu góðgerðarfélögum sem skráð eru á hlaupstyrkur.is hlaupa stanslaust frá klukkan 14 til 16.17 en það er hraðasta tími sem náðst hefur í heilu maraþoni í Reykjavíkurmaraþoni Íslandsbanka.

Hlaupabrettaáskorunin verður í beinni útsendingu hér á Vísi. Tekin verða viðtöl við góðgerðarfélögin og hlauparana. Við hvetjum alla til að fylgjast með og heita á góðgerðarfélögin og hlauparana.

Á meðal góðgerðarfélaga sem ætla að taka þátt eru:

• ADHD Samtökin
• Bergið Headspace
• Píeta Samtökin, 
• Einstök börn
• Ljónshjarta, Ljósið
• Gleymmérei

Áheitasöfnunin fer síðan fram á síðunni hlaupastyrkur.is.