Domino's Körfu­bolta­kvöld: Er Stjarnan í veseni?

Stjarnan marði sigur á Haukum á fimmtudagskvöldið og spilamennska Stjörnunnar var til umræðu í Domino's Körfuboltakvöldi sem var á dagskrá Stöðvar 2 Sports í gærkvöldi.



Stjarnan hefur tapað tveimur af síðustu fjórum leikjum og vann eins og áður segir nauman sigur gegn Haukum í síðustu umferð en Stjarnan er þó enn á toppi deildarinnar.

„Stjarnan er bara ekkert að brillera þessa daganna. Israel Martin þjálfari Hauka var á bleiku skýi en hann tapaði og Arnar var ekkert svo sáttur en hann vann. Það er eins og úrslitin hafi verið öfugt,“ sagði Benedikt Guðmundsson.

„Arnar viðurkennir það og ég gef honum prik fyrir það. Þeir eru ekki að spila nægilega vel. Hvorki sem leikmenn og sem lið.“

Innslagið í heild sinni má sjá hér að ofan þar sem einnig var rætt um frammistöðu Urald King og fleiri leikmanna Stjörnunnar.