Handbolti

Löwen búið að finna nýjan þjálfara

Ingvi Þór Sæmundsson skrifar
Martin Schwalb gerði Hamburg að Þýskalands- og Evrópumeisturum.
Martin Schwalb gerði Hamburg að Þýskalands- og Evrópumeisturum. vísir/getty

Martin Schwalb er nýr þjálfari þýska handboltaliðsins Rhein-Neckar Löwen. Hann tekur við liðinu af Kristjáni Andréssyni sem var rekinn á laugardaginn.


Schwalb stýrir Ljónunum frá Mannheim í fyrsta sinn þegar þau taka á móti Liberbank Cuenca í EHF-bikarnum annað kvöld.

Hinn 56 ára Schwalb er þekktastur fyrir tíma sinn sem þjálfari Hamburg. Hann gerði liðið að Þýskalandsmeisturum 2011 og tveimur árum síðar vann Hamburg Meistaradeild Evrópu. Áður þjálfaði Schwalb Wallau/Massenheim og Wetzlar.

Hann lék tæplega 200 landsleiki fyrir Þýskaland og varð þrisvar sinnum þýskur meistari á leikmannaferlinum. Hann var markakóngur þýsku deildarinnar tímabilið 1995-96 er hann lék með Wallau/Massenheim. Árið 1996 var Schwalb valinn handboltamaður ársins í Þýskalandi.

Íslensku landsliðsmennirnir Alexander Petersson og Ýmir Örn Gíslason leika með Löwen.


Tengdar fréttir

Kristján rekinn frá Löwen

Rhein-Neckar Löwen er í þjálfaraleit eftir að hafa sagt Kristjáni Andréssyni upp störfum í dag.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.