Innlent

„Rysj­ótt veður“ næstu sólar­hringa og gular við­varanir

Atli Ísleifsson skrifar
Gular viðvaranir taka gildi á suðurhluta landsins síðar í dag.
Gular viðvaranir taka gildi á suðurhluta landsins síðar í dag. Veðurstofan

Veðurstofan spáir rysjóttu veðri næstu tvo sólarhringa, með allhvassri eða hvassri austanátt, stormi eða roki syðst í dag og á Suðausturlandi á morgun.

Búist er við snjókomu með köflum eða skafrenningi á sunnanverðu landinu í dag, en úrkomulitlu veðri fyrir norðan.

Gular viðvaranir taka gildi á suðurhluta landsins síðar í dag. Á Suðurlandi tekur viðsvörunin gildi klukkan 13 og gildir fram á morgun. Á höfuðborgarsvæðinu, Faxaflóa og Suðausturlandi tekur gula viðvörunin hins vegar gildi í kvöld klukkan 19.

„Snjókoma eða slydda á austanverðu landinu á morgun og fer að rigna við ströndina um kvöldið, en annars dálítil él og dregur úr frosti. Á laugardag lægir loks og rofar víða til, en áfram slydda eða rigning með austurströndinni og hríð á Vestfjörðum. Gular veðurviðvaranir eru í gildi og því um að gera að fylgjast vel með veðurspám og færð áður lagt er af stað í ferðalög,“ segir í hugleiðingum veðurfræðings.

Spákortið klukkan 18 í kvöld eins og það lítur út núna í morgunsárið. Veðurstofan

Veðurhorfur á landinu næstu daga

Á föstudag: Austan 15-23 m/s, hvassast á SA-landi. Snjókoma með köflum eða skafrenningur, en úrkomulítið NA-lands. Dregur úr vindi og hríð S-lands um kvöldið. Frost 0 til 8 stig, en frostlaust allra syðst.

Á laugardag: Austanátt, 13-20 m/s, hvassast á annesjum N-lands. Snjókoma eða slydda með köflum á A-verðu landinu, en annars dálítil él. Hiti kringum frostmark.

Á sunnudag: Stíf austanátt með snjókomu eða slyddu, en rigningu með A-ströndinni, þurrt að kalla V-lands. Hiti víða 0 til 5 stig.

Á mánudag: Breytilegar áttir með úrkomu víða um land og hita kringum frostmark.

Á þriðjudag og miðvikudag: Útlit fyrir suðaustanáttir með slyddu eða rigningu, en þurrviðri N til. Heldur hlýnandi veður.

 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.