Viðskipti erlent

Kielsen kynnti olíukóngum Texas útboð Grænlendinga

Kristján Már Unnarsson skrifar
Fulltrúar bandarískra olíufélaga ræddu við Kim Kielsen, forsætisráðherra Grænlands, í Houston í Texas.
Fulltrúar bandarískra olíufélaga ræddu við Kim Kielsen, forsætisráðherra Grænlands, í Houston í Texas. Mynd/Naalakkersuisut.

Grænlensk stjórnvöld hafa kynnt áætlun um að bjóða út olíuleit á fimm svæðum á næstu tveimur árum, þar á meðal á tveimur við Austur-Grænland, þeirri hlið sem snýr að Íslandi. Kim Kielsen forsætisráðherra hleypti fyrsta útboðinu af stokkunum í Texas á dögunum. Fjallað var um málið í fréttum Stöðvar 2. 

Kim Kielsen valdi Houston í Texas til að vekja athygli bandarískra olíuforstjóra á nýjum olíuútboðum Grænlendinga með sérstakri kynningu grænlenskra stjórnvalda í borginni sem kölluð hefur verið olíuhöfuðborg heimsins. Samsvarandi kynning var jafnframt haldin í London.

Kim Kielsen í Texas að kynna olíuleitarútboð Grænlands. Mynd/Naalakkersuisut.

Fyrsta útboðssvæðið núna í febrúar er Nuussuaq norðan Diskó-flóa. Í september verða boðin út svæði á Davíðssundi og Baffinsflóa. Sumarið 2021 verður svæði á Norðaustur-Grænlandi boðið út og í janúar 2022 kemur röðin að Miðaustur-Grænlandi. 

Kim Kielsen segir í yfirlýsingu vegna útboðanna að mikilvægt sé að styrkja tekjustofna Grænlands svo unnt sé að styrkja lífsskilyrði í landinu. Á sama tíma sé spáð aukinni olíu og gasvinnslu í heiminum á næstu árum. Grænlendingar hafi sama rétt og aðrir til að vinna og flytja út olíu og gas. Nýting á olíu og gasi geti stuðlað að auknum viðskiptum og tekjum landsins.

Frá kynningu grænlenskra stjórnvalda í Texas. Mynd/Naalakkersuisut.

Kim tekur fram að með byggingu vatnsaflsvirkjana og fleiri endurnýjanlegra orkugjafa styðji Grænland alþjóðleg loftlagsmarkmið. Olíuleitin muni fara fram í samræmi við ströngustu alþjóðlegu staðla á svæðinu. 

Danska ríkisútvarpið DR kallar olíuleitaráætlun Grænlendinga sókndjarfa. Grænlenski fréttamiðilinn Sermitsiaq bendir á að með því að stefna á olíuboranir á landi sé ætlunin að laða að minni olíufélög. Þá segir KNR málið umdeilt í Danmörku. Einn af stuðningsflokkum dönsku stjórnarinnar, rauðgræni flokkurinn Enhedslisten, hafi gagnrýnt útboðið, sem og Greenpeace á Norðurlöndunum. 

Hér má sjá frétt Stöðvar 2:


Tengdar fréttir

Grænlendinga dreymir enn um olíuævintýri

Grænlensk stjórnvöld hafa kynnt nýja fimm ára áætlun um olíuleit. Með henni er lýst þeirri stefnumörkun að Grænland verði olíuframleiðsluland í framtíðinni.

Færeyingar mættir til olíukónganna í Texas

Færeysk stjórnvöld markaðssetja nú nýjasta olíuleitarútboð sitt á alþjóðavettvangi. Færeyingar vilja ná athygli olíuforstjóra sem völd hafa til að taka ákvarðanir um dýrar olíuboranir á úthöfum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SYN
8,11
9
94.152
KVIKA
6,76
25
308.808
ARION
4,55
29
389.714
SJOVA
4,18
10
52.541
ORIGO
3,69
4
37.712

Mesta lækkun dagsins


Félag
Br.%
Fjöldi
Velta*
HAGA
-2,18
3
4.337
REGINN
-2,17
10
174.896
ICEAIR
-2,16
55
23.375
SKEL
-1,49
2
30.781
MAREL
-0,73
42
403.086
Velkomin á Vísi. Þessi vefur notar vafrakökur. Sjá nánar.