Viðskipti innlent

Breikkun sjö kílómetra kafla milli Selfoss og Hveragerðis boðin út

Kristján Már Unnarsson skrifar
Byrjað verður á kaflanum næst Selfossi. Ingólfsfjall til vinstri og Ölfusá til hægri.
Byrjað verður á kaflanum næst Selfossi. Ingólfsfjall til vinstri og Ölfusá til hægri. Mynd/Vegagerðin.

Vegagerðin hyggst fyrir lok mánaðarins bjóða út stærsta útboðsverk sitt á árinu, breikkun sjö kílómetra kafla Suðurlandsvegar um Ölfus. Þegar framkvæmdum lýkur eftir þrjú ár verður kominn 2+1 vegur með aðskildum akstursstefnum alla leið milli Hveragerðis og Selfoss. 



Myndband frá Vegagerðinni af væntanlegri legu vegarins var sýnt í fréttum Stöðvar 2. 



Fyrsti áfanginn, tveggja og hálfs kílómetra kafli austan Hveragerðis, milli Varmár og Gljúfurholtsár, ásamt tengivegum, var unninn á síðasta ári og opnaður umferð í haust.

Séð austur í átt til Ingólfsfjalls og Kögunarhóls.Mynd/Vegagerðin.

En núna er komið að því að halda verkinu áfram og er stefnt að því að sjö kílómetra kafli milli Gljúfurholtsár og gatnamóta Biskupstungnabrautar við Selfoss verði boðinn út fyrir lok mánaðarins á evrópska efnahagssvæðinu. Tilboð verða opnuð í byrjun mars og eiga framkvæmdir að vera komnar á fullt í vor, að sögn Óskar Arnar Jónssonar, forstöðumanns framkvæmdadeildar Vegagerðarinnar. 



Byrjað verður sunnan Ingólfsfjalls, á gerð hringtorgs norðan Selfoss, á gatnamótum þjóðvegarins í átt að Sogsbrú. Verktakarnir munu svo færa sig vestar. Þeir fara síðan í áfanga milli Ingólfsfjalls og Kögunarhóls, en verkinu verður skipt upp í sex verkhluta, og þeir teknir í notkun í áföngum á tímabilinu. 

Veglínu verður breytt milli Kotstrandar og Kögunarhóls.Mynd/Vegagerðin.

Mesta breytingin á veglínu verður á kaflanum vestan Ingólfsfjalls. Þar verður vegurinn lagður fjær Ingólfshvoli og hlykkur austan Kotstrandar tekinn af. Þar kemur nýr innansveitarvegur að Gljúfurárholti, sem liggja mun í göngum undir Suðurlandsveg skammt frá Kotströnd. 



Samgönguáætlun gerir ráð fyrir 5,5 milljörðum króna í þetta sjö kílómetra verk en því á að öllu að vera lokið árið 2022.

Við Hveragerði, milli Varmár og Kamba, verður þjóðvegurinn færður fjær bænum.Mynd/Vegagerðin.

Í framhaldi af því verður síðasti áfanginn boðinn út, kaflinn milli Varmár og Kamba, en þar á færa veginn fjær Hveragerði. Þeim kafla eru eyrnamerkir 2,4 milljarðar króna á samgönguáætlun á árunum 2023 og 2024. Þegar því lýkur verður búið að breikka allan veginn um Ölfus milli Kamba og Selfoss. 



Hér má sjá frétt Stöðvar 2:


Tengdar fréttir




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
BRIM
0
4
52.475
MAREL
0
8
69.997

Mesta lækkun dagsins


Félag
Br.%
Fjöldi
Velta*
EIK
-4,56
10
126.705
REITIR
-4,03
6
42.780
REGINN
-3,09
15
82.623
SJOVA
-2,88
8
33.092
VIS
-2,16
6
80.631
Velkomin á Vísi. Þessi vefur notar vafrakökur. Sjá nánar.