Viðskipti innlent

Fiskifræðingurinn segir mælingu loðnustofnsins afar mikilvæga

Kristján Már Unnarsson skrifar
Fiskifræðingurinn Birkir Bárðarson stýrir loðnuleitinni um borð í hafrannsóknaskipinu Árna Friðrikssyni.
Fiskifræðingurinn Birkir Bárðarson stýrir loðnuleitinni um borð í hafrannsóknaskipinu Árna Friðrikssyni. Stöð 2/Friðrik Þór Halldórsson.

Leitarskipin, sem hefja loðnuleitina, gætu orðið fjögur og eru þau ýmist komin austur á firði eða á leið þangað. Leiðangursstjórinn Birkir Bárðarson segir afar þýðingarmikið að fá góða mælingu á loðnuna enda sé hún ekki aðeins verðmætur nytjastofn heldur einnig mikilvæg fæða í vistkerfinu við landið. Þetta kom fram í hádegisfréttum Bylgjunnar. 

Hafrannsóknaskipið Árni Friðriksson lagði úr höfn í Reykjavík í gær en skipið er nú statt austur af Kötlutanga á leið austur á firði.

Minnst tvö og hugsanlega þrjú fiskiskip taka einnig þátt í leitinni. Hákon EA siglir í kjölfar Árna og var kominn austur fyrir Vestmannaeyjar nú laust fyrir fréttir.

Grænlenska skipið Polar Amaroq bíður hinna í höfn á Norðfirði og fjórða skipið gæti orðið Bjarni Ólafsson AK, sem nú er á Seyðisfirði.

Hafrannsóknaskipið Árni Friðriksson sigldi frá Reykjavík um þrjúleytið í gær. Áætlað er leiðangurinn taki nítján daga. Stöð 2/Friðrik Þór Halldórsson.

Fiskifræðingurinn Birkir Bárðarson er leiðangursstjóri og við spurðum hvar hann teldi að loðnu væri helst að finna núna:

„Núna má ætla að við myndum helst vera að finna hana með landgrunnsbrúnum fyrir austan land og norðaustan og norðan land. Það er svona, aðalfókusinn verður þar.“

Hann vill þó ekki gefa mönnum miklar vonir um loðnuvertíð.

„Við höfum ekki mikla bjartsýni í brjósti núna.“

-Hvað hefur eiginlega breyst?

„Það sem hefur breyst fyrir loðnuna er aðallega umhverfið, væntanlega. Við höfum séð miklar breytingar í hafinu undanfarin ár og áratugi og þar hefur til að mynda verið hlýnun á hafsvæðunum hér í kring.“

-Þetta er sem sagt dæmi um loftlagshlýnun?

„Já, það má segja það. Svoleiðis hefur náttúrlega áhrif á hluti eins og loðnu.“

Hákon EA siglir inn í Norðfjarðarhöfn. Stöð 2/Einar Árnason.

-Menn meta lélega loðnuvertíð upp á 15-20 milljarða. Þetta er kannski hálft til eitt prósent í hagvexti. Þið finnið pressuna, þið eruð undir þrýstingi að finna eitthvað?

„Já, já. Við gerum okkur fullkomlega grein fyrir alvöru málsins. Og það hefur svo sem alltaf verið mikilvægt fyrir okkur, mælingin á þessum stofni. Þetta er bæði mikilvæg afurð og þetta er líka mikilvæg fæða í vistkerfinu hérna í kring. Þannig að við þurfum að vanda vel til verks alltaf þegar við mælum þennan stofn,“ segir Birkir Bárðarson fiskifræðingur.

Hér má sjá frétt Stöðvar 2 frá upphafi loðnuleitarinnar í gær:


Tengdar fréttir

Vonast til að finna tuttugu milljarða króna auðlind

Loðnuleit hefst í næstu viku eftir að samkomulag náðist um að ríkið greiði helming leitarkostnaðar útgerðarfyrirtækja, sem leggja fram tvö til þrjú skip í leitina á móti einu skipi Hafrannsóknastofnunar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ARION
3,89
10
102.354
TM
3,52
1
14.700
MAREL
3,28
32
519.394
SJOVA
2,74
5
45.160
VIS
2,6
13
310.734

Mesta lækkun dagsins


Félag
Br.%
Fjöldi
Velta*
ICEAIR
-1,37
51
26.083
KVIKA
-0,95
7
13.852
EIM
-0,79
1
65.530
Velkomin á Vísi. Þessi vefur notar vafrakökur. Sjá nánar.