Viðskipti innlent

Veiðiskipin Hákon og Bjarni Ólafsson í loðnuleitina með Árna Friðrikssyni

Kristján Már Unnarsson skrifar
Hákon EA mun fara í loðnuleitina. Myndin er tekin í Bolungarvíkurhöfn,
Hákon EA mun fara í loðnuleitina. Myndin er tekin í Bolungarvíkurhöfn, Mynd/Bæjarins besta.

Uppsjávarveiðiskipin Hákon EA og Bjarni Ólafsson AK fara í loðnuleitina í næstu viku ásamt hafrannsóknaskipinu Árna Friðrikssyni og önnur skip verða til taks síðar. Ætlunin er að ná mælingu í janúar og aftur í fyrri hluta febrúar og verða niðurstöður þeirra notaðar til grundvallar fyrir fiskveiðráðgjöf vetrarvertíðarinnar, að því er fram kemur í frétt frá Hafrannsóknastofnun

„Í febrúar verða einnig tvö veiðiskip með Árna Friðrikssyni í mælingum. Eins og gefur að skilja stjórnast gangur mælinga af veðrum og vindum á þessum árstíma sem og dreifingu loðnu. Því er ómögulegt að segja til um hvenær fyrstu niðurstöður munu liggja fyrir,“ segir stofnunin. 

Óvissa hefur verið um þátttöku útgerða í leitinni en í fyrradag tókst samkomulag milli Hafrannsóknastofnunar og Samtaka fyrirtækja í sjávarútvegi sem felur í sér að útgerðir uppsjávarskipa leggja til skip í samtals 30 daga, tvö skip í senn með það fyrir augum að ná tveimur góðum mælingum.

Hafrannsóknaskipið Árni Friðriksson verður forystuskip loðnuleitarinnar. Mynd/Stöð 2.

„Hafrannsóknastofnun stýrir leitinni og mælingum. Kostnaður útgerðanna sem af þessu hlýst er um 60 milljónir króna og leggur Hafrannsóknastofnun fram 30 milljónir. Ráðherra og ráðuneyti styðja þetta samkomulag,“ segir stofnunin. 

„Hafrannsóknastofnun hefur ótvírætt hlutverk að stunda stofnmælingar á loðnu líkt og á öðrum nytjastofnum og á grunni þeirra að veita stjórnvöldum ráðgjöf um veiðar úr þeim. Það var mat Hafrannsóknastofnunar að þörf væri á að fá tvö skip í tvær mælingar frá útgerðinni auk rannsóknarskipsins Árna Friðrikssonar,“ segir ennfremur. 

Fram kemur að rannsóknarskipið Bjarni Sæmundsson sé á leið í slipp með bilaða vél. Þar að auki sé Bjarni óhentugur í loðnuleit vegna smæðar sinnar og þess utan ekki með fellikjöl. Því sé hann fljótt sleginn út í bergmálsmælingum ef eitthvað sé að veðri og sjólagi. 

Hér má sjá frétt Stöðvar 2 í gær um loðnuleitina:


Tengdar fréttir

Vonast til að finna tuttugu milljarða króna auðlind

Loðnuleit hefst í næstu viku eftir að samkomulag náðist um að ríkið greiði helming leitarkostnaðar útgerðarfyrirtækja, sem leggja fram tvö til þrjú skip í leitina á móti einu skipi Hafrannsóknastofnunar.

Óttast frekari ágjöf á byggðir á Austfjörðum

Loðnubresturinn er gríðarlegt áfall fyrir bæjarsjóði sveitarfélaga á Austfjörðum. Hægt verður á framkvæmdum. Mörg hundruð manns verða af vertíðarvinnu. Austfirðingar óttast frekari áföll.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SKEL
2,51
21
428.353
SYN
2,38
9
90.240
HAGA
1,75
10
95.153
EIK
1,22
13
157.475
REITIR
1,17
17
254.889

Mesta lækkun dagsins


Félag
Br.%
Fjöldi
Velta*
SIMINN
-1,3
6
96.239
TM
-0,83
4
38.492
EIM
-0,78
9
100.273
ICESEA
-0,68
3
7.781
ICEAIR
-0,48
14
96.178
Velkomin á Vísi. Þessi vefur notar vafrakökur. Sjá nánar.